ლეგენდების ტურნირში "დინამო თბილისის" გუნდის კაპიტანი კახა კალაძე იქნება

დღეს, ბერლინში, ლეგენდათა ტრადიციული ტურნირი (AOK TRADITIONSMASTERS) იმართება, რომელშიც "დინამო თბილისი" მონაწილეობს. გუნდის კაპიტანი კახა კალაძეა. A ჯგუფში, ქართულ კლუბთან ერთად დორტმუნდის "ბორუსია", ლევერკუზენის "ბაიერი" და "შალკე 04" იასპარეზებენ.

"მივესალმები ასეთი ტურნირის ჩატარებას. ძალიან დიდია ინტერესი საზოგადოების მხრიდან, როდესაც ვეტერანი ფეხბურთელები იკრიბებიან. წელს "დინამო თბილისის" სახელით გამოვდივართ და მიხარია, რომ გვაქვს შესაძლებლობა მონაწილეობა მივიღოთ ასეთ მაღალი დონის ტურნირში, სადაც წამყვანი გერმანული საფეხბურთო კლუბები არიან წარმოდგენილები. 19 იანვარს უკვე ბათუმში გაიმართება ტურნირი ნაკრებების დონეზე, რაც ვფიქრობ, ძალიან მნიშვნელოვანია ჩვენი ქვეყნის პოპულარიზაციისთვის", - განაცხადა კახა კალაძემ ტურნირის დაწყების წინ.

"დინამო თბილისის" ინფორმაციით, მაქს შმელინგის სახელობის დარბაზში მისულ ქართველ ვეტერან ფეხბურთელებს ფანები დახვდნენ. კახა კალაძემ სამახსოვრო ფოტოები გადაიღო. ‪

„დინამო თბილისსა“ და ლევერკუზენის ბაიერს შორის მატჩი 20:45 საათზე დაიწყება.

ავთანდილ წულაძე - საქართველოსთან მიმართებაში რუსეთის სტრატეგიული მიზანი არსებული სტატუს-კვოს შენარჩუნებაა
ქართული პრესის მიმოხილვა 23.01.2020
ვახტანგ ხმალაძე - ეუთო/ოდირის პასუხი საარჩევნო სისტემასთან დაკავშირებით ოპოზიციის წინადადებაზე სავარაუდოდ, ამ თვის ბოლომდე უნდა იყოს
გათამაშდა 1 მილიონ 182 454 ლარი - იძებნება მოგებული!
თეგეტა მოტორსმა 2019 წელი ავტოინდუსტრიის ბაზრის ლიდერის სტატუსით დახურა
გეოგრაფიკი და კოლიერსი აბასთუმნის განვითარების პროექტის შესახებ
სილქნეტმა გლობალურ საკომუნიკაციო კომპანია OneWeb-თან თანამშრომლობის მემორანდუმს მოაწერა ხელი
"ლიბერთი ბანკსა" და "ევექსი კლინიკებს" შორის ურთიერთთანამშრომლობის მემორანდუმი გაფორმდა
"სილქნეტი" აგრძელებს ოპტიკური ქსელის განვითარებას რეგიონებში - დაფარვის ზონას დაემატა დუშეთი