ოზურგეთში, საქართველოს პრეზიდენტის ინიციატივითა და პრეზიდენტის ადმინისტრაციის მხარდაჭერით, გურიის რეგიონში არსებული ლიცენზირებული და მოქმედი ბავშვთა სახლების, საოჯახო ტიპის სახლების, დღის ცენტრების, შშმპ ცენტრებისა და მინდობით აღზრდაში მყოფი ბავშვებისათვის საშობაო სპექტაკლი ჩატარდა.

როგორც „ინტერპრესნიუსს“ პრეზიდენტის ადმინისტრაციიდან აცნობეს, სადღესასწაულო განწყობის შესაქმნელად 19,20 და 21 დეკემბერს, საბავშვო სპექტაკლები ჩატარდა ასევე, თბილისსა და საქართველოს 11 ქალაქში. „საახალწლო, საბავშვო სპექტაკლები თბილისში 1000-ზე მეტი ბენეფიციარისათვის ჩატარდა, ხოლო რეგიონებში: ზუგდიდში, ბათუმში, ბორჯომში, გორში, რუსთავში, ხაშურში, მცხეთაში, ქუთაისში, ზესტაფონში, ფოთსა და ახალციხეში 3500-მდე ბავშვისათვის. ასევე საახალწლო საჩუქრები და ტკბილეული 110 ბავშვთა სახლსა და სხვა და სხვა დაწესებულებებს გადაეცათ. 14 ბავშვთა სახლს საჩუქრები პირადად გადასცეს პრეზიდენტის ადმინისტრაციის წარმომადგენლებმა“, - ნათქვამია ინფორმაციაში.