ტრამპის იმპიჩმენტის პროცესის პარალელურად, რუსმა ჰაკერებმა უკრაინულ კომპანიაზე, სადაც ბაიდენის შვილი მუშაობდა, კიბერთავდასხმა განახორციელეს

რუსმა სამხედრო ჰაკერებმა უკრაინის ენერგო კომპანიაზე, რომელშიც ჯო ბაიდენის შვილი მუშაობდა, ჰაკერული თავდასხმა განახორციელეს, ინფორმაციას შეერთებული შტატების კიბერუსაფრთხოების კომპანია ავრცელებს.

კომპანიის ცნობით, კიბერშეტევა „ბურისმაზე“ რუსეთის გენერალური შტაბის სამმართველოს „გრუ“-ს მიერ, სავარაუდოდ, ჯო ბაიდენის შვილზე კომპრომატების მოძიების მიზნით განხორციელდა. მედიის ცნობით, მოპოვებული ინფორმაცია პოტენციურად გავლენას მოახდენდა აშშ-ის პრეზიდენტის, დონალდ ტრამპის იმპიჩმენტის პროცესზე.

თემაზე კომენტარს არც რუსეთის თავდაცვის სამინისტროში და არც „ბურისმაში“ არ აკეთებენ.

როგორც ცნობილია, დონალდ ტრამპის პოლიტიკური მეტოქის, ჯო ბაიდენის შვილი, ჰანთერ ბაიდენი 2014-დან 2019-წლამდე კომპანიის დირექტორად მსახურობდა. 2019 წლის ივლისში, დონალდ ტრამპმა უკრაინის პრეზიდენტს, ვლადიმირ ზელენსკის სატელეფონო საუბრისას ჯო ბაიდენისა და მისი შვილის წინააღმდეგ გამოძიების დაწყება სთხოვა, რასაც დონალდ ტრამპის იმპიჩმენტის პროცედურების დაწყება მოჰყვა.

თენგიზ ფხალაძე - პოლიტიკურ ძალებს შორის ურთიერთობაში უნდა არსებობდეს ზღვარი, რომლის იქითაც პროცესი არ უნდა წავიდეს, თუკი ეს ზღვარი წაიშალა, მძიმე შედეგს მივიღებთ
ქართული პრესის მიმოხილვა 27.01.2020
ავთანდილ წულაძე - საქართველოსთან მიმართებაში რუსეთის სტრატეგიული მიზანი არსებული სტატუს-კვოს შენარჩუნებაა
„ინვესტ ჯგუფი“ ანანოვების სასახლის მასშტაბური რეაბილიტაციის პროექტს იწყებს
"თიბისიმ" მსოფლიოში საუკეთესოდ აღიარებული მობაილბანკი განაახლა