საქართველოს ელჩმა რწმუნებათა სიგელები გადასცა იერუსალიმის, როდოსისა და მალტის წმინდა იოანეს სუვერენულ სამხედრო ჰოსპიტალიერთა ორდენის პრინცსა და დიდ მაგისტრს

საქართველოს საგანგებო და სრულუფლებიანმა ელჩმა ქეთევან ბაგრატიონ-მუხრანბატონმა, რწმუნებათა სიგელები იერუსალიმის, როდოსისა და მალტის წმინდა იოანეს სუვერენულ სამხედრო ჰოსპიტალიერთა ორდენის პრინცსა და დიდ მაგისტრს, მის უმაღლესობა ფრა’ ჯაკომო დალა ტორე დელ ტემპიო დი სანგუინეტოს გადასცა. როგორც „ინტერპრესნიუსს“ საქართველოს საგარეო სამინისტროდან აცნობეს, ოფიციალური ცერემონიის დასრულების შემდეგ გაიმართა ელჩისა და ფრა’ დალა ტორეს შეხვედრა, რა დროსაც განხილულ იქნა ორდენსა და საქართველოს შორის არსებული ურთიერთობები. ელჩმა ყურადღება გაამახვილა საქართველოს ოკუპირებულ ტერიტორიებზე, ადგილზე ადამიანის უფლებათა და ჰუმანიტარული კუთხით არსებულ მძიმე ვითარებასა და მცოცავ ანექსიაზე.

ელჩმა მადლობა გადაუხადა დიდ მაგისტრს საქართველოს სუვერენიტეტისა და ტერიტორიული მთლიანობის მხარდაჭერისთვის საერთაშორისოდ აღიარებულ საზღვრებში.

„შეხვედრის დასასრულს დიდმა მაგისტრმა წარმატებები უსურვა ელჩს მომავალ საქმიანობაში. საქართველოს ელჩმა ფრა’ დალა ტორეს საჩუქრად გადასცა წმინდა იოანე ნათლისმცემლის ხატი და წიგნი „შუა საუკუნეების ქართული ქანდაკება“, - ნათქვამია ინფორმაციაში.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
უსაფრთხოებაზე გამავალი ერთობა: მოსაზრებები, შესაძლებლობები, შეთავაზებები
სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება
Wolt-ის ლურჯი პარასკევი დაიწყო
ახალი Economy და Isolated კატეგორიები Bolt-ის აპლიკაციაში
ექსპოჯორჯია აგრო ექსპორტის ფორუმს ონლაინ, B2B ფორმატში გამართავს
„9 შავი პარასკევი“ ექსტრაზე Mastercard-ისგან