რუსთავში საქართველოს სახელმწიფო დროშის დღე აღინიშნა

რუსთავში საქართველოს სახელმწიფო დროშის დღე აღინიშნა. როგორც „ინტერპრესნიუსს“ რუსთავის მერიიდან აცნობეს, ამ თარიღთან დაკავშირებით, რუსთავის მუნიციპალიტეტის ადმინისტრაციული შენობის ფასადზე სახელმწიფო დროშა გადმოფინეს, შესრულდა სახელმწიფო ჰიმნი. ღონისძიების მონაწილე ბავშვებმა, სიმბოლურად ცაში ეროვნული დროშის ფერების საჰაერო ბუშტები გაუშვეს.

სახელმწიფო დროშის დღისადმი მიძღვნილ ღონისძიებას, რუსთავის მერი ირაკლი ტაბაღუა, საკრებულოს თავმჯდომარის მოადგილე ნინო ქავთარაძე, მერიისა და საკრებულოს წარმომადგენლები შეუერთდნენ.

“დღეს, ქართული დროშის დღეს აღვნიშნავთ. მნიშვნელოვანია ეს დღე, რადგან თითოეულ ჩვენგანს უნდა ესმოდეს იმ ეროვნული სიმბოლიკის მნიშვნელობა, რაც ქართული ტრადიციების მატარებელია. ნებისმიერი ასაკის ადამიანს უნდა უყვარდეს და პატივს სცემდეს სახელმწიფო სიმბოლოებს და დროშას. მინდა ის სიყვარული, რაც ბავშვებმა გამოავლინეს დღეს, ყველა თაობაში იყოს“, - განაცხადა რუსთავის მერმა ირაკლი ტაბაღუამ.

ცნობისთვის, საქართველოში, სახელმწიფო დროშის დღე, პირველად, 2012 წლის 14 იანვარს იზეიმეს.

იოსებ ბარათაშვილი - ახლა მთავარია, გამოძიებამ უტყუარად დაადგინოს იმ პირების ვინაობა, რომელთა ქმედებამაც გამოიწვია შაქარაშვილის გარდაცვალება
ქართული პრესის მიმოხილვა 10.07.2020
ალექსეი მალაშენკო - ვინც არ უნდა მოიგოს საქართველოს არჩევნებში, აფხაზეთისა და სამხრეთ ოსეთის საკითხებში არაფერი შეიცვლება, ამიტომ, კრემლისთვის პრინციპული მნიშვნელობა არ აქვს, ვინ გაიმარჯვებს
ყაზახეთ-საქართველოს თანამშრომლობის ახალი ეტაპი იწყება
სუბსიდირებული იპოთეკური სესხი - ახალი შესაძლებლობა ტერაბანკისგან
სილქნეტის მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ