საქართველოს სახელმწიფო დროშის დღესთან დაკავშირებით, ეროვნული დროშა დღეს გორის მუნიციპალიტეტის მერიისა და საკრებულოს ადმინისტრაციულ შენობებზე გადმოფინეს. ამის შესახებ „ინტერპრესნიუსს“ გორის მუნიციპალიტეტის მერიიდან აცნობეს.

მათივე ინფორმაციით, მერიის შენობასთან ეროვნული დროშა სახელმწიფო ჰიმნის თანხლებით ჩოხოსნებმა აღმართეს. ცერემონიალს გორის მუნიციპალიტეტის მერი კონსტანტინე თავზარაშვილი, საკრებულოს თავმჯდომარე დავით რაზმაძე და მუნიციპალიტეტის თანამშრომლები ესწრებოდნენ.

საქართველოს სახელმწიფო დროშა საქართველოს ეროვნული სიმბოლოა გერბთან და ჰიმნთან ერთად, რომელიც შემოღებულ იქნა საქართველოს ორგანული კანონის საფუძველზე 2004 წლის 14 იანვარს.