ეკა ბესელია - საჭიროა, აფხაზებთან პირდაპირი დიალოგის გზები მოიძებნოს - მაოცებს ხელისუფლების ზედაპირული პოზიცია და ცარიელი განცხადებები

პარლამენტის დამოუკიდებელი დეპუტატი ეკა ბესელია მიიჩნევს, რომ საჭიროა მოიძებნოს აფხაზებთან პირდაპირი დიალოგის გზები, რადგან დიალოგს ალტერნატივა არა აქვს. ეკა ბესელიას შეფასებით, მხოლოდ ჟენევის ფორმატი არ არის შედეგის მომტანი.

ეკა ბესელია მიიჩნევს, რომ აფხაზეთში განვითარებულ მოვლენებს განსაკუთრებული ყურადღება და სიღრმისეული ანალიზი სჭირდება.

„გარდა იმ უდაო ფაქტისა, რომ ეს მოვლენები საქართველოს ტერიტორიაზე ხდება და ჩვენი ქვეყნის ოკუპირებულ ნაწილზე, რაც ზრდის ამ მოვლენებისადმი ინტერესს და ემოციასაც, ეს ეხება სახელმწიფო მნიშვნელობის მოვლენას, ეხება უსაფრთხოების და ქვეყნის მომავალ კონსტიტუციურ საკითხებს. მაოცებს ხელისუფლების ინდიფერენტული და ზედაპირული პოზიცია და ცარიელი განცხადებები. არანაირი მსჯელობა, არანაირი ანალიზი. არც რაიმე ფორმატების გამოყენება, არც მსჯელობა.

თითქოს სადღაც სხვაგან ხდება ეს ყველაფერი. საჭიროა მოიძებნოს გზები აფხაზებთან პირდაპირი დიალოგის! დიალოგს არა აქვს ალტერნატივა! დიალოგი არის საჭირო მუდმივად აფხაზ თანამოძმეებთან, მაშინაც კი როცა უიმედოდ გეჩვენება. უნდა იყოს ყველა სამოქალაქო და სოციალური ინსტრუმენტი გამოყენებული ყველა ფორმატში და რაც შეიძლება მეტი, რათა დაიძრას ყინული.( არ არის შედეგის მომტანი მხოლოდ ჟენევის ფორმატი და წლებია ამას ვხედავთ) მშვიდობიან გზებს და მცდელობას ეძებო გამოსავალი - მოაქვს შედეგი. ეს მცდელობა არ ჩანს და ეს მაწუხებს. პროცესების უფრო სიღრმისეულად განსჯა და დანახვა აქ ვის რა როლი შეუძლია იტვირთოს ურთიერთობის დათბობისთვის - აუცილებელია! ლოდინი - რუსეთი რას დათმობს ოდესმე - ფუჭია და ეს პოზიცია საზიანოა! ჩვენვე უნდა მივხედოთ ჩვენსავე პრობლემებს და ნუ მივანდობთ მომავალს ყველაზე მტკივნეულ თემას- ტერიტორიულ მთლიანობას. თავისთავად არაფერი ხდება თუ მცდელობა არ გვექნება შევცვალოთ ეს მოცემულობა! მოცემულობა - რომელიც უსამართლოა!“ - წერს ეკა ბესელია „ფეისბუქის“ საკუთარ გვერდზე.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი