საქალაქო სასამართლოში, „ანას ბაღში“ დაპირისპირების შედეგად დაკავებულების პროცესი მიმდინარეობს

თბილისის საქალაქო სასამართლოში, „ანას ბაღში“ 10 იანვარს მომხდარი დაპირისპირების შედეგად დაკავებული გიორგი ფხალაძისა და სამშენებლო კომპანია „ევროპული სამშენებლო ჰოლდინგის“ სამი თანამშრომლის - გიორგი იაშვილის, გიორგი ჯიბლაძისა და იოსებ ყაჯრიშვილის სასამართლო პროცესი მიმდინარეობს.

როგორც პროცესის დაწყებამდე ბრალდებულმა გიორგი ფხალაძემ განაცხადა, თავს დამნაშავედ არ ცნობს და ბრძოლას გააგრძელებენ მანამ, ვიდრე სასურველ შედეგს არ მიაღწევენ.

„იმედი მაქვს, ჩვენ მიერ წარდგენილ მტკიცებულებებს სასამართლო გაიზიარებს და არ მცნობს სამართალდამრღვევად. შსს, კახა კალაძე და სახელმწიფო ცდილობს შეგვაშინოს და ჩვენი პროტესტი ამით ჩაახშოს, მაგრამ ისინი ვერ აცნობიერებენ, რომ ამით მოქალაქეები უფრო მეტად ბრაზდებიან და ჩვენი ბრძოლა უფრო მასშტაბური გახდება“, - განაცხადა გიორგი ფხალაძემ.

შეგახსენებთ, რომ 10 იანვარს, ვარკეთილში, „ანას ბაღში“ ადგილობრივებსა და სამშენებლო კომპანია „ევროპული სამშენებლო” ჰოლდინგის წარმომადგენლებს შორის სიტყვიერი და ფიზიკური დაპირისპირება მოხდა, რის შედეგადაც პოლიციამ ორივე მხარის წარმომადგენლები დააკავა.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 27.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
JTI-ს საუკეთესო დამსაქმებლის ჯილდო გადაეცა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა