კახა კალაძე ანრი ოხანაშვილის შეურაცხყოფის ფაქტზე - როდესაც ადამიანი მეუღლესთან და შვილებთან ერთად არის, კატეგორიულად მიუღებელია ასეთი ფაქტები

არ აქვს მნიშვნელობა თუ ვინ, რომელი პოლიტიკური პარტიის წევრია. მით უმეტეს, როდესაც ოჯახთან, მეუღლესთან და შვილებთან ერთად არის ადამიანი, კატეგორიულად მიუღებელია ასეთი ფაქტები, - ამის შესახებ თბილისის მერმა კახა კალაძემ ჟურნალისტებს ანრი ოხანაშვილთან დაკავშირებით, ბაკურიანში მომხდარ ინციდენტზე საუბრისას განუცხადა.

მისი თქმით, დამნაშავე უნდა დაისაჯოს.

„ძალიან ცუდია ასეთი ფაქტები. როგორც ვიცი ამას მოჰყვა შესაბამისი რეაგირება შს სამინისტროს მხრიდან. ადრეც იყო ასეთი შემთხვევები და მე მაშინაც ასეთი მიდგომა და დამოკიდებულება მქონდა, არ აქვს მნიშვნელობა თუ ვინ, რომელი პოლიტიკური პარტიის წევრია, მითუმეტეს, როდესაც ოჯახთან, მეუღლესთან და შვილებთან ერთად არის, კატეგორიულად მიუღებელია”,- განაცხადა კალაძემ.

შეგახსენებთ, გავრცელებული ინფორმაციით, დეპუტატი ანრი ოხანაშვილი ბაკურიანში, ერთ-ერთ რესტორანში ოჯახთან ერთად ვახშმობდა, რა დროსაც ერთ-ერთმა პირმა მას ჯერ სიტყვიერი, შემდეგ კი ფიზიკური შეურაცხყოფა მიაყენა, თუმცა შინაგან საქმეთა სამინისტროში ფიზიკური შეურაცხყოფის ფაქტს არ ადასტურებენ. უწყების ინფორმაციით, ინციდენტში მონაწილე პირი ადმინისტრაციულ სამართალდარღვევათა კოდექსის 173-ე მუხლით დააკავეს, რაც პოლიციისადმი დაუმორჩილებლობას გულისხმობს.

ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
ქართული პრესის მიმოხილვა 24.09.2020
ბორის სოკოლოვი - ბელარუსში პროცესები შესაძლოა დასრულდეს ან საპროტესტო აქციების ჩახშობით ან ლუკაშენკოს ხელისუფლების დამხობით
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის
„შუშხუნა ბაკურიანი“ - სიახლე ბაზრის ლიდერი ბრენდისგან
სერვისი, რომელიც ბუნებრივი რესურსების მოპოვების ბიზნესს ამარტივებს
სამშენებლო კომპანია "ანაგი" განცხადებას ავრცელებს (R)