აბაშისა და მიმდებარე სოფლების წყლის მიწოდების აღდგენის მიზნით გაერთიანებული წყალმომარაგების კონპანია, სამეგრელო-ზემო სვანეთის რეგიონთან და ადგილობრივ მუნიციპალიტეტთან ერთად უწყვეტ რეჟიმში აგრძელებს მუშაობას, ამის შესახებ „ინტერპრესნიუსს“ გაერთიანებული წყალმომარაგების კონპანიიდან აცნობეს.
მათივე ინფორმაციით, მესამე დღეა სამუშაო პროცესში, კომპანიის ტექნიკურ და საავარიო ჯგუფებთან ერთად, ჩართულია შესაბამისი სამსახურები და მობილიზებულია მძიმე ტექნიკა რეგიონებიდან.
აბაშის მუნიციპალიტეტის სტაბილური წყალმომარაგებისთვის წყლის ინფრასტრუქტურის მშენებლობა-რეაბილიტაცია მიმდინარეობს. სამუშაოების წარმოებისას კონტრაქტორი კომპანიის მხრიდან ქსელის დაზიანებამ წყლის ამღვრევა გამოიწვია, რის გამო აბაშასა და მიმდებარე სოფლებს - მაიდანს, გულუხეთს, ონტოფოს, სამიქაოსა და აბაშისპირს წყალმომარაგება შეუწყდა.
ინტენსიური სამუშაოების პარალელურად, მოსახლეობისთვის წყალმზიდების საშუალებით წყლის მიწოდება გაგრძელდება წყალმომარაგების სრულად აღდგენამდე.