რუსეთის ფედერაციის პრეზიდენტმა ვლადიმერ პუტინმა კონსტიტუციის რეფორმის ინიციატივა წარადგინა, რაც პრეზიდენტის უფლებამოსილების ნაწილობრივ პარლამენტისთვის გადაცემასა და საპრეზიდენტო კანდიდატებისთვის მოთხოვნების გამკაცრებას გულისხმობს.

ამასთანავე, ცვლილებების მიხედვით პარლამენტს მთავრობის მეთაურის მიერ წარდგენილი ყველა ვიცე-პრემიერისა და მინისტრის დამტკიცების უფლება ექნება. რუსეთის პრეზიდენტს კი პარლამენტთან შეთანხმებული კანდიდატების უარყოფის უფლება აღარ ექნება.

პუტინის თქმით, პრეზიდენტი კვლავ რჩება ქვეყნის შეირაღებული ძალების მთავარსარდლად. რაც შეხება პრეზიდენტის არჩევის წესს, კანდიდატს რუსეთში მინიმუმ 25 წელი უნდა ჰქონდეს ნაცხოვრები და არ ჰქონდეს სხვა რომელიმე ქვეყნის მოქალაქეობა.