ავსტრალიის ახალი სამხრეთ ველსის შტატსა და ვიქტორიაში წვიმს. მელბურნის ზოგიერთ რაიონში კი წვიმამ დატბორვაც გამოიწვია. მიუხედავად იმისა, რომ ახალ სამხრეთ ველსში 80-მდე და ვიქტორიის შტატში 18 ხანძრის კერამდე ისევ რჩება, სახანძრო სამსახურში აცხადებენ, რომ ნალექმა კონტინენტს მცირე შვება მოუტანა.

„მიუხედევად იმისა, რომ წვიმა ვერ ჩააქრობს ყველა ხანძარს, ის მათი გაკონტროლებს საშუალებას მოგვცემს“,-აცხადებენ სამსახურში.

სინოპტიკოსები მარტში ნალექის დიდ რაოდენობას პროგნოზირებენ, რაც სავარადოდ ხანძრების ლოკალიზებას შეუწყობს ხელს.

ცნობისთვის, ავტრალიაში ხანძრებს სექტემბრიდან მოყოლებული ვერ აქრობენ. ცეცხლის შედეგად 10 მილიონი ჰექტარი მიწა დაიწვა და 28 ადამიანი დაიღუპა.