საქართველოს თავდაცვის ძალებში ინფრასტრუქტურულ პროექტებზე ახალი სტანდარტები დაწესდა

საქართველოს თავდაცვის ძალებში ინფრასტრუქტურულ პროექტებზე ევროპული სტანდარტები გავრცელდება. ამის შესახებ „ინტერპრესნიუსს“ თავდაცვის სამინისტორდან აცნობეს.

მათივე ინფორმაციით, ახალი სტანდარტების დადგენის მიზნით თავდაცვის მინისტრი ირაკლი ღარიბაშვილი დღეს ვაზიანში, IV მექანიზებულ ბრიგადაში მიმდინარე ინფრასტრუქტურულ სამუშაოებს ადგილზე გაეცნო. თავდაცვის მინისტრი სამხედრო ბაზას მის მოადგილესთან, ჯუანშერ ბურჭულაძესთან და თავდაცვის ძალების წარმომადგენლებთან ერთად ესტუმრა. თავდაცვის უწყების ხელმძღვანელმა პირებმა ახლად შექმნილი „სტანდარტიზაციისა და ხარისხის კონტროლის დეპარტამენტისგან“ ინფრასტრუქტურული სტანდარტების გაუმჯობესების შესახებ დეტალური ინფორმაცია მიიღეს.

ირაკლი ღარიბაშვილის გადაწყვეტილებით შექმნილი ხარისხის კონტროლის ახალი სტრუქტურული ერთეული პასუხისმგებელია თავდაცვის ძალებში ნატოსთან თავსებადი კოდიფიკაციისა და სტანდარტიზაციის სისტემის განვითარებაზე. დეპარტამენტის ფუნქციებში ასევე შედის ინფრასტრუქტურული სამუშაოების ზედამხედველობა და ყველა ტიპის მომსახურების ხარისხის კონტროლი.

„თავდაცვის სამინისტროს განახლებული სოციალური პოლიტიკა სამხედრო მოსამსახურეების საყოფაცხოვრებო პირობების გაუმჯობესებაზეა ორიენტირებული. სამინისტროში ინფრასტრუქტურის განახლების სამუშაოები აქტიურად მიმდინარეობს, რომელიც ყველა ყაზარმისა და სასადილოს სრულ რეაბილიტაციას ითვალისწინებს.

სამხედრო მოსამსახურეებისთვის შენდება დასავლური სტანდარტების სპორტული ინფრასტრუქტურა, ღია და დახურულ სივრცეებში მოწყობილი მულტიფუნქციური სტადიონები და სატრენაჟორო დარბაზები. ინფრასტრუქტურულ პროექტებზე 2019 წელთან შედარებით 2020 წელს ოთხჯერ მეტი - 100 მლნ ლარი დაიხარჯება, რაც თვისობრივად გააუმჯობესებს და ნატო-ს წამყვანი ქვეყნების სტანდარტს გაუთანაბრებს ქართული ჯარის ინფრასტრუქტურას,“ - ნათქვამია ინფორმაციაში.

იხილეთ ვიდეო

თეა გოგოტიშვილი - სიფრთხილის და გონივრულობის გარდა გადარჩენის გზა არ გვაქვს
ქართული პრესის მიმოხილვა 02.12.2020
„ალეკო ელისაშვილი - მოქალაქეების“ ერთ-ერთი ლიდერი ქეთი თურაზაშვილი - დღევანდელი დისტანციური სწავლება თავის მოტყუებაა
„ჰიუნდაის“ ელექტრომობილი 10 000-ლარიანი ფასდაკლებით, დამტენითა და 1-წლიანი დაზღვევით - შეთავაზება, რომელიც არ უნდა გამოგრჩეთ
ლიბერთი ბანკი სამომხმარებლო და ბიზნეს სესხებზე აქციას იწყებს
ევროკრედიტში საჩუქრების დროა  აირჩიე ის, რაც გაგიხარდება
"სილქნეტმა" ვირტუალური ოპერატორების სავალდებულო დაშვებასა და ამასთან დაკავშირებულ შესაძლო რისკებთან დაკავშირებით საფუძვლიანი კვლევები ჩაატარა
კატარის ავიახაზები 15 დეკემბრიდან მე-5 ახალ მიმართულებას ამატებს სან ფრანცისკოს მიმართულებით და კიდევ უფრო აფართოებს ამერიკის შეერთებული შტატების ქსელს
გრიპის საწინააღმდეგო ვაქცინაცია კომპანია “GM Pharma”-ში
ლივომ უძრავი ქონების ყიდვა-გაყიდვის პროცესის გამარტივებისთვის სერვისების 80% გააციფრულა