ვლადიმერ პუტინმა რუსეთის პრემიერ-მინისტრის პოსტზე მიხაილ მიშუსტინის დანიშვნას ხელი მოაწერა

რუსეთის პრეზიდენტმა ვლადიმერ პუტინმა ქვეყნის პრემიერ-მინისტრის პოსტზე მიხაილ მიშუსტინის დანიშვნას ხელი მოაწერა. ამ ინფორმაციას რუსული მედია ავრცელებს. მათი თქმით, რუსეთის ახალი პრემიერი მინისტრთა ახალ კაბინეტს რამდენიმე დღეში წარადგენს.

აღსანიშნავია, რომ ვლადიმერ პუტინმა დოკუმენტს ხელი მას შემდეგ მოაწერა, რაც მიშუსტინის კანდიდატურას მხარი სახელმწიფო დუმამ დაუჭირა.

ამასთანავე ცნობილი გახდა, რომ პუტინმა ყოფილი პრემიერ-მინისტრი დიმიტრი მედვედევი უშიშროების საბჭოს მდივნის მოადგილის პოსტზე დანიშნა.

შეგახსენებთ, რომ რუსეთის დუმამ პრემიერ-მინისტრის პოსტზე მიხეილ მიშუსტინის კანდიდატურას მხარი დაუჭირა. მიშუსტინის მთავრობის მეთაურად დანიშვნას 383-მა დეპუტატმა მისცა ხმა, 41-მა თავი შეიკავა, ხოლო წინააღმდეგ არც ერთი წასულა. რუსეთის მთავრობა პრემიერ-მინისტრ დიმიტრი მედვედევის მეთაურობით გუშინ გადადგა, მას შემდეგ, რაც რუსეთის პრეზიდენტმა, ვლადიმერ პუტინმა ფედერალური ასამბლეისადმი მიმართვის დროს საკონსტიტუციო ცვლილებების ინიციატივა წამოაყენა.

ავთანდილ წულაძე - საქართველოსთან მიმართებაში რუსეთის სტრატეგიული მიზანი არსებული სტატუს-კვოს შენარჩუნებაა
ქართული პრესის მიმოხილვა 23.01.2020
ვახტანგ ხმალაძე - ეუთო/ოდირის პასუხი საარჩევნო სისტემასთან დაკავშირებით ოპოზიციის წინადადებაზე სავარაუდოდ, ამ თვის ბოლომდე უნდა იყოს
გათამაშდა 1 მილიონ 182 454 ლარი - იძებნება მოგებული!
თეგეტა მოტორსმა 2019 წელი ავტოინდუსტრიის ბაზრის ლიდერის სტატუსით დახურა
სილქნეტმა გლობალურ საკომუნიკაციო კომპანია OneWeb-თან თანამშრომლობის მემორანდუმს მოაწერა ხელი
გეოგრაფიკი და კოლიერსი აბასთუმნის განვითარების პროექტის შესახებ
"ლიბერთი ბანკსა" და "ევექსი კლინიკებს" შორის ურთიერთთანამშრომლობის მემორანდუმი გაფორმდა
"სილქნეტი" აგრძელებს ოპტიკური ქსელის განვითარებას რეგიონებში - დაფარვის ზონას დაემატა დუშეთი