ქუთაისმა ევროკომისიის მიერ შავი ზღვის აუზის პროგრამის ფარგლებში გამოცხადებულ საგრანტო კონკურსში გაიმარჯვა

ქუთაისმა ევროკომისიის მიერ შავი ზღვის აუზის პროგრამის ფარგლებში გამოცხადებულ საგრანტო კონკურსში გაიმარჯვა, რომელიც ტურიზმის ხელშეწყობას და განვითარებას ისახავს მიზნად.

ქუთაისის მერიის ინფორმაციით, პროექტზე განაცხადი ქუთაისმა პარტნიორებთან - მოლდოვასთან, უკრაინასა და რუმინეთთან ერთად 2019 წელს შეიტანა.

"პროექტი "აქტიური ტურიზმის განვითარება და პოპულარიზაცია შავი ზღვის აუზის ქვეყნებში“ (EscapeLand) ტრანსასაზღვრო ტურიზმისა და კულტურული მეწარმეობის განვითარებას გვთავაზობს, რათა გაიზარდოს ინვესტიციები და ტურისტების რაოდენობა. პროექტი მიზნად ისახავს შავი ზღვის აუზში აქტიური ტურისტული პოტენციალის გაზრდას და აქტიური ტურისტული ადგილების ათვისებას, ერთობლივი B2B კონფერენციების ჩატარებას. სამიზნე ჯგუფებია ტურ-ოპერატორები, ადგილობრივი ხელისუფლება და არასამთავრობო ორგანიზაციები, რომლებსაც შესაბამისი ტურისტული და კულტურული საქმიანობა აქვთ BSB–დან. პროექტი ორწლიანია და ქუთაისის მუნიციპალიტეტი 147 068,26 ევროთი დაფინანსდება, აქედან, ქალაქის თანამონაწილეობა განისაზღვრება 8% - 12 788. 54-ით. საერთო ჯამში, ქუთაისისთვის თანხა შეადგენს 159 856.80 ევროს. ქუთაისის მუნიციპალიტეტისათვის ეს მეორე მიმდინარე დაფინანსებაა ევროკავშირის მიერ, შავი ზღვის აუზის პროგრამის ფარგლებში", - აცხადებენ ქუთაისის მერიაში.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია