200-მდე სოციალურ მუშაკს სპეციალური ტრენინგკურსის დასრულების დამადასტურებელი სერტიფიკატები გადაეცა

ადამიანის უფლებათა დაცვისა და სამოქალაქო ინტეგრაციის კომიტეტის ინიციატივით, 200-მდე სოციალურ მუშაკს სპეციალური ტრენინგკურსის დასრულების დამადასტურებელი სერტიფიკატები გადაეცა. ღონისძიებას ესწრებოდნენ საქართველოს პარლამენტის თავმჯდომარე არჩილ თალაკვაძე, ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე სოფო კილაძე, იუსტიციის მინისტრი თეა წულუკიანი, ფრიდრიხ ებერტის ფონდის ხელმძღვანელი საქართველოში ფელიქს ჰეტი.

სოფო კილაძის ინიციატივითა და ფრიდრიხ ებერტის ფონდის მზარდაჭერით, მე-9 მოწვევის პარლამენტმა 2018 წლის ივნისში "სოციალური მუშაობის შესახებ" ახალი კანონი მიიღო. საკანონმდებლო ცვლილებებმა სათავე დაუდო სოციალური მუშაობის სისტემის რეფორმას, განისაზღვრა სოციალური მუშაკების სამართლებრივი სტატუსი, უფლებები, მოვალეობები და სოციალური გარანტიები. ახალი კანონის გაცნობის მიზნით, 2019 წელს სოციალურ მუშაკებს სპეციალური სამართლებრივი ტრენინგ-კურსი ჩაუტარდათ. ტრენინგში მონაწილეობა მიიღო და გადამზადდა 200-ზე მეტი მოქმედი სოციალური მუშაკი, რომლებსაც სერთიფიკატები დღეს გადაეცათ.

შეხვედრაზე ასევე გაიმართა ვიდეო რგოლის პრეზენტაცია, რომელიც სოციალური მუშაკის პროფესიის პოპულარიზაციის მიზნით აშშ-ის საერთაშორისო განვითარების სააგენტოს (USAID) მხარდაჭერით მომზადდა.

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
სილქნეტი განცხადებას ავრცელებს (R)