ახალი კორონავირუსით დაავადებულთა გამოსავლენად, აშშ-ის აეროპორტებში ჩინეთიდან შესულ მგზავრებს შეამოწმებენ

შეერთებული შტატები უცნობი კორონავირუსით დაავადებულთა გამოსავლენად სამ აეროპორტში ჩინეთიდან შესული მგზავრების შემოწმებას იწყებს, - ამის შესახებ ინფორმაციას „როიტერსი“ ავრცელებს.

აშშ-ის დაავადებათა კონტროლისა და პრევენციის ცენტრების ინფორმაციით, სან ფრანცისკოს, ნიუ-იორკისა და ლოს-ანჯელესის აეროპორტებში ჩინეთის ქალაქ უხანიდან შესული მგზავრების სკრინინგი დაიწყება.

სკრინინგის პროცედურის დროს მგზავრებს სპეციალურად გამოყოფილ სივრცეში გაიყვანენ, სადაც ისინი კითხვარს შეავსებენ და გრიპზე შეამოწმებენ. იმ მგზავრებს, რომლებსაც საეჭვო სიმპტომები აღმოაჩნდებათ, უკეთ გამოსაკვლევად სამედიცინო დაწესებულებაში გადაიყვანენ.

აშშ-ის დაავადებათა კონტროლისა და პრევენციის ცენტრების წარმომადგენლებმა პრესკონფერენციაზე განაცხადეს, რომ ვირუსი ჩინეთის გარეთ, იაპონიასა და ტაილანდშიც გავრცელდა.

ჩინეთის ხელისუფლების ინფორმაციით, უცნობი კორონავირუსით დაავადების 45 შემთხვევაა დადასტურებული, ვირუსს დღემდე ორი ადამიანის სიცოცხლე ემსხვერპლა.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 03.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
იურიდიული პირები პროკრედიტ ბანკში ანგარიშებს დისტანციურად გახსნიან
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია