ბათუმში, არასამთავრობო ორგანიზაცია „ალტერნატივამ“ ირაკლი შოთაძის გენერალური პროკურორის ვაკანტურ თანამდებობაზე წარდგენა აქცია-პერფორმანსით გააპროტესტა.
აქციის მონაწილეებმა იუსტიციის სახლთან ხორბალი მიიტანეს და განაცხადეს, რომ „ხელისუფლებამ თავისი საკენკი თავად აკენკოს“. მათი თქმით, მოსახლეობა შოთაძის დაბრუნებას არ დაუშვებს.
მათი თქმით, არაერთი საქმეა დღემდე გამოუძიებელი.
„ვგეგმავთ, რომ ეს საკენკი შენობაში შევიტანოთ, რადგან აჭარაშიც არაერთი საქმე გამოუძიებელია",- განაცხადა აქციის ერთ-ერთმა მონაწილემ, ხათუნა ბერიძემ.
აქციის მონაწილეები იუსტიციის სახლის დაცვის თანამშრომლებმა შენობაში არ შეუშვეს.