სტამბოლში დათო მაღრაძის ლექსების წიგნის „უსადაუროს“ თურქული თარგმანის - Diarsiz-ის პრეზენტაცია გაიმართა

სტამბოლში, ნაზიმ ჰიკმეტის სახელობის კულტურის ცენტრში, პოეტ დათო მაღრაძის ლექსების წიგნის „უსადაუროს“ თურქული თარგმანის - Diarsiz-ის პრეზენტაცია გაიმართა.

საღამო თურქეთში საქართველოს საელჩოს, თურქეთში ქართული კულტურის ცენტრის და ქართული ენის ცენტრის ინიციატივით შედგა.

საღამო გაიხსნა საქართველოს და თურქეთის სახელმწიფო ჰიმნებით. საზოგადოებას მიესალმა საქართველოს ელჩი თურქეთში, გია ჯანჯღავა, რომელმაც პოეტს თურქეთის ყოფილი პრემიერ -მინისტრის, თანსუ ჩილერის პირადი მილოცვა გადასცა.

პრეზენტაციას დაესწრნენ თურქეთის სახელოვნებო-სალიტერატურო საზოგადოების გამოჩენილი წარმომადგენლები და ქართული ემიგრაციის ნაწილი. პოეტის შემოქმედებაზე ისაუბრა ცნობილმა თურქმა პოეტმა, ნობელის პრემიის კანდიდატმა - ათაოლ ბეჰრამოღლუმ.

„თურქ მკითხველთან შეხვედრა განსაკუთრებულად ემოციური აღმოჩნდა. პოეტი და თურქი მსახიობი კუთხულობდნენ ლექსებს ორ ენაზე. შემდეგ დათო მაღრაძე დიდხანს პასუხობდა შეკითხვებს და არიგებდა ხელმოწერებს ახალ წიგნზე ( გამომცემლობა “Cinius Yayinlari”, მთარგმნელი პოეტი ეშრეფ ილმაზი)“, - ნათქვამია ინფორმაციაში.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი