აჭარა ჰელსინკის საერთაშორისო ტურისტულ გამოფენაზეა წარმოდგენილი

აჭარის ტურიზმის დეპარტამენტი რეგიონს ჰელსინკში, საერთაშორისო ტურისტულ გამოფენაზე წარადგენს. აჭარის ტურიზმის დეპარტამენტის ინფორმაციით, ჩრდილოეთ ევროპის უდიდეს ტურისტულ გამოფენაზე MATKA 2020 დეპარტამენტი ტურიზმის ეროვნული ადმინისტრაციისა და ტურისტული სააგენტოების წარმომადგენლებთან ერთად მონაწილეობს.

მათივე ცნობით, გამოფენა, რომელსაც საშუალოდ 64,000-ზე მეტი ვიზიტორი სტუმრობს, დეპარტამენტის თავმჯდომარე თინათინ ზოიძე შეხვედრებს მართავს ფინეთის ტურიზმის ინდუსტრიის ასოციაციის, წამყვანი მედიასაშუალებებისა და ავიაკომპანიების წარმომადგენლებთან. შეხვედრებზე აჭარისა და ზოგადად, საქართველოს ტურისტული პროდუქტების ფინურ ბაზარზე პოპულარიზაციის შესაძლებლობები განიხილება.

წელს, MATKA 2020-ზე საქართველო წლის ტურისტული დანიშნულების ქვეყნად დასახელდა. გამოფენა 17 იანვარს გაიხსნა და 19 იანვარს დასრულდება.

აჭარის ტურიზმის დეპარტამენტი რეგიონის ტურისტული შესაძლებლობების პოპულარიზაციას წელს, 28 საერთაშორისო ტურისტულ გამოფენაზე განახორციელებს. მათ შორის მსოფლიოში უმსხვილეს ტურისტულ გამოფენებზე გერმანიაში, ესპანეთში, დიდ ბრიტანეთში, ისრაელში, ბალტიისპირეთისა და მეზობელ ქვეყნებში.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)