ბათუმში ნათლისღების დღესასწაული მორწმუნეებმა ტრადიციულად ზღვაში შესვლით აღნიშნეს

ბათუმში ნათლისღების დღესასწაული მორწმუნეებმა ზღვაში შესვლის ტრადიციით აღნიშნეს. ქრისტიანი მრევლი ზღვაში შესვლამდე ღვთისმშობლის საკათედრო ტაძარში იმყოფებოდა, სადაც სადღესასწაულო წირვა- ლოცვა ბათუმისა და ლაზეთის მიტროპოლიტმა მეუფე დიმიტრიმ აღავლინა.

მორწმუნეებმა გვიან ღამით სანაპიროსკენ მსვლელობა მოაწყვეს, სასულიერო პირებმა ლოცვა აღავლინეს და ზღვა აკურთხეს, რის შემდგომ წყალში შევიდნენ. 19 იანვარს ნათლისღების დღესასწაულზე ზღვაში შესვლის ტრადიცია მეუფე დიმიტრის ინიციატივით, ბათუმში უკვე რამდენიმე წელია სრულდება.

"გილოცავთ ნათლისღების დღესასწაულს, საოცარი განცდაა, როდესაც ვიხსენებთ რა პატივი გვარგუნა უფალმა, ეს დღე ჩვენი ცოდვათა მოტევების დღეა",- განაცხადა დეკანოზ იოანე გორელიშვილმა.

აჭარის სანაპიროზე უსაფრთხოების დაცვის მიზნით სამაშველო სამსახურის ბრიგადები იყო მობილიზებული.

იხილეთ ვიდეო: ბათუმში ნათლისღების დღესასწაული მორწმუნეებმა ტრადიციულად ზღვაში შესვლით აღნიშნეს

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 01.03.2021
სახელმძღვანელო სტარტაპერებისთვის - როგორ ხდება კადრების აყვანა კომპანიებში და რა ბენეფიტებს იღებენ დასაქმებულები
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა