პირველად საქართველოში ემბრიონის ტრანსფერის ვორქშოფი კონფერენციის „უშვილობა 35+“ ფარგლებში გაიმართება

პირველად საქართველოში, ქართულ-გერმანული რეპროდუქციული მედიცინის ცენტრის GGRC-ის ეგიდით და საქართველოს უროლოგთა, მეან-გინეკოლოგთა და რეპროდუქტოლოგთა ასოციაციების მხარდაჭერით საერთაშორისო სამეცნიერო-პრაქტიკული კონფერენციის „უშვილობა 35+“ ფარგლებში გაიმართება ემბრიონის ტრანსფერის ვორქშოფი რეპროდუქციული მედიცინის სფეროს წარმომადგენლებისთვის.

კონფერენციაზე მსმენელების წინაშე წარსდგებიან რეპროდუქციული მედიცინის დარგში მსოფლიოს წამყვანი კლინიკების ექიმები ისრაელიდან, გერმანიიდან, თურქეთიდან, ასევე ქართველი და უცხოელი ექსპერტები; გაიმართება პროფესორ ვლადისლავ კორსაკისა და ნინო მუსერიძის ერთობლივი წიგნის „უნაყოფობა -კითხვები და პასუხები“ პრეზენტაცია.

კონფერენციის ორგანიზატორის, ქართულ-გერმანული რეპროდუქციული მედიცინის ცენტრის კლინიკური დირექტორის ნინო მუსერიძის განმარტებით, საერთაშორისო სამეცნიერო-პრაქტიკულ კონფერენციაზე რეგისტრაცია რამდენიმე დღეა დაიწყო და დასწრების მსურველთა რაოდენობა უპრეცედენტოდ მაღალია.

„დარეგისტრირება შეუძლიათ მხოლოდ სერტიფიცირებულ სპეციალისტებს. მონაწილე უროლოგებს, ენდოკრინოლოგებს, რეპროდუქტოლოგებსა და მეან-გინეკოლოგებს მიენიჭებათ 6 (I ტიპის) UPG ქულა და გაიცემა შესაბამისი სერთიფიკატი. ქალისა და მამაკაცის ფაქტორით გამოწვეული უშვილობა დღესდღეობით ერთ-ერთი აქტუალური პრობლემაა და რეპროდუქციული ასაკის წყვილთა 13-15%-ს აწუხებს. უშვილობა მსოფლიო მასშტაბით მზარდი პრობლემაა, რასაც არაერთი მიზეზი აქვს. თუმცა, ამავდროულად, დამხმარე რეპროდუქციული ტექნოლოგიების მეთოდების განვითარებისა და დახვეწის შესაბამისად, ყოველწლიურად უფრო და უფრო მეტი ბავშვი იბადება ამ გზით და პროცედურების წარმატებით დასრულების სტატისტიკური მაჩვენებელიც მნიშვნელოვნად იზრდება. მიხარია, რომ მე და ჩემს კლინიკასაც მიგვიძღვის წვლილი არაერთი ოჯახის გაბედნიერებაში, მიმაჩნია რომ ეს დარგი მეტად უნდა განვითარდეს და დაიხვეწოს, სწორედ ამ მიზნით, პირველად საქართველოში ჩვენს მიერ ორგანიზებული კონფერენციის ფარგლებში, მსოფლიოს წამყვანი რეპროდუქტოლოგები და ემბრიოლოგები მსმენელებისთვის წაიკითხავენ ლექციას და გამართავენ ემბრიოტრანსფერის ვორქშოფს,“ - განაცხადა ნინო მუსერიძემ.

პროფესორი დოვ ფელდბერგი, მეან-გინეკოლოგი, რეპროდუქტოლოგი ისრაელიდან: „უშვილობა 35+“, ეს არის კონფერენციის თემა, რომელშიც სიამოვნებით ვიღებ მონაწილეობას, როგორც მომხსენებელი. დაფეხმძიმებისა და ბავშვის გაჩენის პროცენტული მაჩვენებელი განსხვავებულია სხვადასხვა ასაკობრივ ჯგუფში. ასაკის მატებასთან ერთად ეს მაჩვენებელი მცირდება. 35-40 წლის შემდეგ იწყება კვერცხუჯრედის „დაბერების“ პროცესი, რაც დაფეხმძიმების პროცენტული მაჩვენებლის შემცირებას იწვევს, დღევანდელი ცხოვრების რიტმი, ქალთა ემანსიპაციის მაღალი დონე, მათი კარიერული წინსვლის მაღალი მოტივაცია, ხშირად აფერხებს შვილოსნობის გეგმებს, ამიტომაც მსოფლიოში ზოგადად გაიზარდა შვილოსნობის ასაკი, რასაც ხშირად ქალის რეპროდუქციული უნარები ფეხს ვერ უწყობს და დგება უშვილობის პრობლემა. ამიტომაც თბილისის კონფერენციის თემა დღეისათვის მეტად აქტუალურია. მომხსენებლები, რეპროდუქციული ჯანმრთელობის სხვადასხვა მიმართულების საერთაშორისო ექსპერტები იმ თემებსა და შესაძლებლობებს განვიხილავთ, რაც დღეს ევროპასა და ამერიკაში დარგობრივი ასოციაციების რეკომენდაციებით და გაიდლაინებით არის გათვალისწინებული 35 წლის ზემოთ ქალბატონების რეპროდუქციული მკურნალობისა და ტექნოლოგიების გამოყენების კუთხით.

კონფერენცია „შერატონ გრანდ მეტეხი პალასში“ 1 თებერვალს გაიმართება, დარგის სპეციალისტებს შეუძლიათ დარეგისტრირდნენ ელექტრონულად შემდეგ მისამართზე: www.conference.ggrc.ge

(R)

დიმიტრი შველიძე -  ხელისუფლების მთავარი თავის ტკივილი „ნაცმოძრაობაა“,  ამ ფონზე, მისთვის შეიძლება უფრო მისაღები იყოს „ევროპული საქართველო“
ქართული პრესის მიმოხილვა 13.08.2020
აგვისტოს ომიდან 12 წლის შემდეგაც საქართველო დგას რუსული აგრესიის წინაშე
Wolt და Mastercard ბათუმში გელიან!