არჩილ თალაკვაძე - მაღალი ალბათობით, ირაკლი შოთაძის კანდიდატურა იქნება პარლამენტში წარმოდგენილი - ვფიქრობ, რომ მას უმრავლესობის დეპუტატების მხრიდან ექნება მხარდაჭერა

მაღალი ალბათობით, ირაკლი შოთაძის კანდიდატურა იქნება პარლამენტში წარმოდგენილი, ვფიქრობ, რომ უმრავლესობის დეპუტატების მხრიდან ექნება მხარდაჭერა, - ამის შესახებ ჟურნალისტებს პარლამენტის თავმჯდომარემ, არჩილ თალაკვაძემ განუცხადა.

მისივე თქმით, შოთაძემ თავის დროზე თანამდებობის დატოვებაზე ღირსეული გადაწყვეტილება მიიღო.

„ჩვენ მხარს დავუჭერთ მის კანდიდატურას. რეალური ისტორია შოთაძესთან დაკავშირებით არის ის, რომ გენერალური პროკურორობის პერიოდში, მისი ხელმძღვანელობით, პროკურატურამ გახსნა, გამოიძია და პასუხისგებაში მისცა დამნაშავეები არაერთ გახმაურებულ საქმეებზე. პროკურატურა იყო ეფექტური. შემდეგ რა მოხდა? მოხდა ის, რომ ერთ კონკრეტულ სისხლის სამართლის საქმესთან დაკავშირებით, რაზეც საზოგადოების ინტერესი იყო მაღალი და იყო პროტესტი, საზოგადოებას ჰქონდა კითხვები მასთან დაკავშირებით, ის დადგა არჩევანის წინაშე, მორალური პასუხისმგებლობაა მთავარი თუ არის თანამდებობა და სკამი და მან მიიღო ძალიან ღირსეული გადაწყვეტილება, დატოვა თანამდებობა. ამით მშობლებს, დაზარალებულებს აჩვენა, რომ მისთვის თანამდებობა არ არის მთავარი. მისთვის მთავარია მორალური ღირებულებები და სტანდარტი იყოს დაცული", - განაცხადა თალაკვაძემ.

ცნობისთვის, გენპროკურორობიდან გადამდგარი ირაკლი შოთაძე გენერალური პროკურორის ვაკანტურ თანამდებობაზე წარადგინეს.

ხათუნა ლაგაზიძე  - „ოცნება“ ისეთ თავდაღმართშია, ვერავინ გეტყვით, როდის, რა მომენტში აფეთქდება - პლებისციტზე საუბარმა აზრი დაკარგა, მოლაპარაკება აუცილებელია, მაგრამ უპირობოდ - რიგგარეშე არჩევნებზე
რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 09.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ტერაბანკი ქალთა საერთაშორისო დღის აღსანიშნავად
Mastercard-ის ხელშეწყობით, ყოველთვიური ვებინარების სერია: „კოვიდ 19 გავლენა ტურიზმზე: საქართველოს და მსოფლიო ტურიზმის ტენდენციები“ დაიწყო