სალომე სამადაშვილი - ზაქარია ქუცნაშვილი ასრულებს  იმ გადაწყვეტილებებს, რასაც იღებს პოლიტიკური ხელმძღვანელობისგან, მათ შორის, ივანიშვილისგან

ზაქარია ქუცნაშვილი ასრულებს იმ გადაწყვეტილებებს, რასაც იღებს პოლიტიკური ხელმძღვანელობისგან, მათ შორის, ბიძინა ივანიშვილისგან,- ასე აფასებს "ნაციონალური მოძრაობის" წევრი სალომე სამადაშვილი ზაქარია ქუცნაშვილის უარს პარლამენტში დაბრუნებაზე.

დეპუტატი ვარაუდობს, რომ „ქართულ ოცნებას" პარლამენტში თავისი კვოტით სხვა ადამიანის შემოყვანა სურს და ზაქარია ქუცნაშვილის უარიც ამას უკავშირდება.

"ვფიქრობ, "ქართული ოცნება" და მასთან დაკავშირებული პოლიტიკოსები არასდროს იღებდნენ პოლიტიკურ გადაწყვეტილებებს, ასე რომ, ზაქარია ქუცნაშვილი თუ ნებისმიერი სხვა ასრულებს იმ გადაწყვეტილებებს, რასაც იღებს პოლიტიკური ხელმძღვანელობისგან და მათ შორის, ბიძინა ივანიშვილისგან. როგორც ჩანს, მმართველ პარტიას და ბიძინა ივანიშვილს დღეს დღის წესრიგში აქვს, რომ პარლამენტში,

მათთვის განკუთვნილი შესაბამისი კვოტით სხვა ადამიანი შემოვიდეს და ეს დავალება გასცეს ყველა იმ პირზე, ვისაც ეს დავალება ეხება,"- განაცხადა სალომე სამადაშვილმა.

პარლამენტის ყოფილი დეპუტატი ზაქარია ქუცნაშვილი პარლამენტის წევრობაზე უარს ამბობს. ამის შესახებ „ინტერპრესნიუსს“ განცხადება თავად ქუცნაშვილმა მიაწოდა.

როგორც ყოფილი დეპუტატი განმარტავს, მას სამართლიანად არ მიაჩნია დაეთანხმოს პარლამენტის წევრობას იმის გამო, რომ პარტიული სიით განსაზღვრული რიგითობა უწევს, მაშინ, როცა მან, როგორც მაჟორიტარული წესით გამარჯვებულმა დეპუტატმა, უკვე უარი თქვა მანდატზე.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა