რუსთავის პროფესიულ კოლეჯ „მოდუსში“ ახალგაზრდული მეწარმეობის ხელშეწყობისთვის, ეკოსისტემის შექმნის საკითხებზე შეხვედრა გაიმართა

რუსთავის პროფესიულ კოლეჯ „მოდუსში“ ახალგაზრდული მეწარმეობის ხელშეწყობისთვის, ეკოსისტემის შექმნის საკითხებზე შეხვედრა გაიმართა.

როგორც „ინტერპრესნიუსს“ რუსთავის მუნიციპალიტეტის მერიიდან აცნობეს, მრგვალი მაგიდის ფორმატის სამუშაო შეხვედრას, რომელიც რუსთავის ინოვაციების ჰაბის ინიციატივით მოეწყო, ქალაქის მერი ირაკლი ტაბაღუა, ბიზნესსექტორის, საგანმანათლებლო დაწესებულებების, ადგილობრივი და საერთაშორისო ორგანიზაციების წარმომადგენლები დაესწრნენ.

მათივე ინფორმაციით, შეხვედრაზე, ახალგაზრდული ბიზნესიდეების განხორციელების ხელშემწყობი ეკოსისტემის შექმნის ასდღიანი სამოქმედო გეგმის შემუშავებაზე იმსჯელეს, განიხილეს საჭირო პერსპექტივები და რესურსები.

„მიზანი, არის ის, რომ ერთობლივად, იმ გამოცდილებების გაზიარებით, რაც მრგვალი მაგიდის მონაწილეებს აქვთ, უნდა შემუშავდეს გეგმა, სადაც დეტალურად იქნება გაწერილი თუ რა ნაბიჯებია გადასადგმელი იმისთვის, რომ რუსთავში შეიქმნას ახალგაზრდული მეწარმეობის განვითარების ეკოსისტემა. მე იმედი მაქვს, რომ ერთობლივი საქმიანობა, შედეგიანი იქნება“, - განაცხადა რუსთავის მერმა ირაკლი ტაბაღუამ ჟურნალისტებთან საუბარში.

შეხვედრა პროექტის „მდგრადი ქალაქები ადამიანებისთვის“ ფარგლებში გაიმართა. ერთწლიანი პროექტის განხორციელება, გაეროს განვითარების პროგრამის (UNDP) დაფინანსებით, 2019 წლის სექტემბერში დაიწყო.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო