20 ივნისის საქმეზე დაკავებული კახაბერ კუპრეიშვილის ადვოკატის განცხადებით, ბრალდებულის ჯანმრთელობის მდგომარება გაუარესებულია

20 ივნისის საქმეზე დაკავებული კახაბერ კუპრეიშვილის ადვოკატის, ზაქრო გვიშიანის განცხადებით, ბრალდებულის ჯანმრთელობის მდგომარება გაუარესებულია, რადგან ის ერთი კვირაა შიმშილობს.

აღნიშნულის შესახებ გვიშიანმა ჟურნალისტებს სასამართლო პროცესის შემდეგ განუცხადა.

„ჩემი დაცვის ქვეშ მყოფი დაახლოებით, ერთი კვირაა შიმშილობს, მისი ჯანმრთელობის მდგომარეობა გართულებულია. ვაპირებ, რომ დაწესებულებაში მოვინახულო. არ გამოვრიცხავ, რომ მომდევნო სხდომას დაესწროს, რადგან აქტიურ ფაზაში შევდივართ მხარეები, მოწმეები იკითხებიან, რომლებიც სადავოდ გავხადეთ მხარეებმა“, - განაცხადა გვიშიანმა.

მან ასევე ისაუბრა სასამართლოში დაკითხული სამართალდამცავის ჩვენებაზე, რომელმაც ადვოკატის განმარტებით, სასამართლოს ზოგადი ინფორმაცია მიაწოდა.

„დღევანდელ სასამართლო სხდომაზე ერთ-ერთი მოწმე, პოლიციის თანამშრომელი დაიკითხა, მან ახსენა, რომ ვინმე წითელმაისურიანი პიროვნება იყო აქციის მონაწილე, მოქალაქე, რომელიც ცოტა აგრესიულად იქცეოდა, მაგრამ მას არ დაუსახელებია, რომ ეს ბესიკ თამლიანი ან სხვა რომელიმე ბრალდებული იყო; შესაბამისად, არ წარმოუდგენია ისეთი მტკიცებულება, რომლის გამოკვლევისასაც დადასტურდა რამე სახის ფაქტობრივი გარემოება, კერძოდ ის, რომ თითქოს, ბრალდებულებმა ჩაიდინეს ბრალად წარდგენილი ქმედება. ეს იყო ზოგადი განმარტებები, რომ ვიღაც მოქალაქე იყო წითელმაისურიანი, რომელმაც პოლიციის თანამშრომელს ფარი წაართვა. მოწმის მხრიდან არცერთი ბრალდებულის იდენტიფიცირება არ მომხდარა. ეს იყო ზოგადი ინფორმაცია“, - განაცხადა გვიშიანმა.

ცნობისთვის, 20 ივნისის საქმეზე ზურაბ ბუდაღაშვილი, ბესიკ თამლიანი, ცოტნე სოსელია და კახაბერ კუპრეიშვილი არიან დაკავებული. მათ აღკვეთის ღონისძიების სახით პატიმრობა აქვთ შეფარდებული. დაკავებულ პირებს ბრალი ედებათ ჯგუფურ მოქმედებში მონაწილეობაში, რასაც თან ახლდა რბევა, ძალადობა, სხვისი ნივთის დაზიანება და განადგურება, ასევე ხელისუფლების წარმომადგენლისადმი წინააღმდეგობა და მათზე თავდასხმა. აღნიშნული ბრალი 4-დან 6 წლამდე ვადით თავისუფლების აღკვეთას ითვალისწინებს.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა