ეკონომიკისა და მდგრადი განვითარების მინისტრი ნათია თურნავა აცხადებს, რომ ხელისუფლება ყველაფერს აკეთებს ოკუპაციის ხაზთან მცხოვრები მოსახლეობისთვის მძიმე ყოფის შესამსუბუქებლად.
„მოგეხსენებათ, ოკუპაცია არის ჩვენი ნომერ პირველი გამოწვევა და სატკივარი ისეთივე როგორც სიღარიბე, მაგრამ გაცილებით უფრო მნიშვნელოვანი. აქედან გამომდინარე, ჩვენი ხელისუფლება ყველაფერს აკეთებს იმისთვის, რომ მაქსიმალურად შეუმსუბუქოს ოკუპაციის ხაზთან მცხოვრებ მოსახლეობას ისედაც მძიმე ყოფა და ეს მძიმე ყოფა გამოწვეულია საოკუპაციო რეჟიმის დესტრუქციული ქმედებით. მათ შორისაა სოციალური დახმარება, მათ შორის ენერგეტიკაში ვაკეთებთ მოხმარებული ელექტროენერგიის თანადაფინანსებას, გაზის მიერთების საფასურს და სხვა მრავალ ღონისძიებას, მათ შორისაა პროგრამა "ნაბიჯი უკეთესი მომავლისკენ" და მაქსიმალურად ვცდილობთ, რომ ჩვენი მოსახლეობა იყოს ჩვენი ყურადღების ცენტრში", - განაცხადა თურნავამ.