სოფო კილაძე - მე ვერ ვიტყვი, რომ ციხეებს კრიმინალური სუბკულტურა მართავს

მე ვერ ვიტყვი, რომ ციხეებს კრიმინალური სუბკულტურა მართავს,- ამის შესახებ ადამიანის უფლებათა კომიტეტის თავმჯდომარე სოფო კილაძემ ჟურნალისტებთან განაცხადა.

მისივე თქმით, ციხეებში არსებულ ვითარებაზე სახალხო დამცველის ეს პოზიცია ცალმხრივია და მნიშვნელოვანია, იუსტიციის მინისტრის არგუმენტების მოსმენაც.

„სახალხო დამცველის მხრიდან რამდენიმეჯერ გაჟღერდა და სპეციალურ ანგარიშში აღინიშნა ე.წ. კრიმინალური სუბკულტურის გავლენის შესახებ. ეს პოზიცია ყოველთვის იყო ცალმხრივი, ძალიან მნიშვნელოვანია მოვისმინოთ ის არგუმენტები, რომელსაც წარმოადგენს იუსტიციის სამინისტრო.

მე ხშირად მიწევს პენიტენციურ სისტემაში მსჯავრდებულ პირებთან შესვლა და ვფიქრობ, რომ საქართველოს ციხეებში არის ადამიანის უფლებათა ძალიან მაღალი სტანდარტი უზრუნველყოფილი. ვერ დავეთანხმები იმ მოსაზრებას, რომ სუბკულტურა მართავს ციხეს, რადგან ამის თქმის საფუძველი ნამდვილად არ მაქვს. თუ არის რაიმე გარკვეული შემთხვევები ვინმეს მხრიდან კონკრეტულ პატიმრებზე ზეგავლენის მცდელობის, ამას სათითაო შემთხვევებში რა თქმა უნდა, უნდა მიეხედოს და ამაზე იუსტიციის სამინისტრო მუშაობს, თუმცა, მე ვერ ვიტყვი, რომ კრიმინალური სუბკულტურა მართავს ციხეებს“, - განაცხადა სოფო კილაძემ.

სახალხო დამცველი ნინო ლომჯარია პარლამენტში, ადამიანის უფლებათა კომიტეტზე პენიტენციურ დაწესებულებებში არსებულ მდგომარეობაზე სპეციალურ ანგარიშს წარადგენს. როგორც ნინო ლომჯარია აცხადებს, გამოიკვეთა, რომ ე.წ. მაყურებლები თავისუფლად გადაადგილდებიან, შედიან საკნებში, აგროვებენ ე.წ. საერთოს, პატიმრებს ეუბნებიან, არ დაწერონ საჩივარი და ისინი მოუგვარებენ პრობლემებს.

ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო