ხელისუფლების წარმომადგენლებმა მაღაროსკარსა და ბარისახოში  ახლად რეაბილიტირებული პანსიონები მოინახულეს

დუშეთის მუნიციპალიტეტის სოფელ მაღაროსკარში, თანამედროვე სტანდარტების შესაბამისი საჯარო სკოლის პანსიონი გაიხსნა. ამის შესახებ „ინტერპრესნიუსს“ დუშეთის მუნიციპალიტეტის მერიიდან აცნობეს.

მათივე ინფომრაციით, ახალრეაბილიტირებული პანსიონი პრემიერ-მინისტრის მრჩეველმა რეგიონული განვითარების საკითხებში სოზარ სუბარმა, რეგიონული განვითარებისა და ინფრასტრუქტურის მინისტრის მოადგილემ მზია გიორგობიანმა, განათლების, მეცნიერების, კულტურისა და სპორტის მინისტრის მოადგილემ ეკატერინე დგებუაძემ, მცხეთა-მთიანეთის სახელმწიფო რწმუნებულმა შალვა კერესელიძემ და დუშეთის მუნიციპალიტეტის მერმა ზურაბ სეხნიაშვილმა მოინახულეს და შესრულებული სამუშაოების შედეგები შეაფასეს.

განხორციელებული სამუშაოების შედეგად, შენობას სრული რეაბილიტაცია ჩაუტარდა და ენერგოეფექტურობის პრინციპის შესაბამისად მოეწყო. პროექტის ფარგლებში კეთილმოეწყო დაწესებულების ეზოც. 80 მოსწავლეზე გათვლილი პანსიონის შენობა 1976 წელს აშენდა და მას შემდეგ არ რეაბილიტირებულა.

„ხელისუფლების წარმომადგენლებმა ახალგარემონტებული პანსიონი მოინახულეს სოფელ ბარისახოშიც. საჯარო სკოლების პანსიონების რეაბილიტაცია რეგიონული განვითარებისა და ინფრასტრუქტურის სამინისტროს მაღალმთიანი დასახლებების განვითარების ფონდიდან დაფინანსდა. სამუშაოებზე ჯამურად 618 676 ლარი დაიხარჯა. გასულ წელს, სარემონტო სამუშაოები ასევე განხორციელდა მაღაროსკარისა და ბარისახოს საჯარო სკოლებში. დაწესებულებებში, ამ ეტაპზე, განათლებას 107 მოსწავლე იღებს. აქედან 17 პანსიონების ბენეფიციარია. ცენტრალური და ადგილობრივი ხელისუფლების წარმომადგენლებმა აღსაზრდელებს საჩუქრად ტკბილეული მიუტანეს და განვლილი დღესასწაულები მიულოცეს,“ - ნათქვამია ინფორმაციაში.

ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
ქართული პრესის მიმოხილვა 05.03.2021
სტეპან გრიგორიანი - რუსეთი ჩქარობს სამხრეთ კავკასიაში დასავლეთთან შედარებით უპირატესობის მიღწევას
მინდია დავითაძე - საამაყოა, როცა WIPO-ს გენერალური დირექტორის მხრიდან დადებითად ფასდება საქპატენტის საქმიანობა
სილქნეტი განცხადებას ავრცელებს (R)