მინდა გკითხოთ: როდესაც თქვენ საუბრობთ, რომ საქართველო ისე ახლოსაა ევროპასთან და ევროკავშირთან, როგორც არასდროს, ფიქრობთ, რომ ქვეყანაში არსებული პოლიტიკური პატიმრები გეთანხმებიან ამაში ? - ასე მიმართა ევროპარლამენტის წევრმა მარია გრიგოროვამ საქართველოს პარლამენტის თავმჯდომარის მოადგილე კახა კუჭავას, რომელიც ევროპარლამენტის საგარეო კომიტეტის სხდომაზე სიტყვით გამოვიდა.

ევროპარლამენტის წევრის კიდევ ერთი შენიშვნა, საქართველოს პარლამენტის ბლოკირებას ეხებოდა.

„იმედი მაქვს, რომ ჩემს კითხვასა და მოსაზრებას ობიექტურად შეაფასებთ იმიტომ, რომ მე იქ ვიყავი და ვესაუბრე პროსახელისუფლებო, არასამთავრობო მხარეს და პროტესტის მონაწილეებსაც პირადად და მე არ მაქვს ინფორმაცია მათ მიერ პარლამენტის ბლოკირებასთან დაკავშირებით. პარლამენტმა თვითონ დაბლოკა პარლამენტი თავისი სამარცხვინო „თბილისის კედლით“, თუმცა ეს მხოლოდ შენიშვნაა. მინდა გკითხოთ: როდესაც თქვენ საუბრობთ, რომ საქართველო ისე ახლოსაა ევროპასთან და ევროკავშირთან როგორც არასდროს, ფიქრობთ, რომ ქვეყანაში არსებული პოლიტიკური პატიმრები გეთანხმებიან ამაში ?“- განაცხადა ევროპარლამენტარმა მარია გრიგოროვამ.