გამანაწილებელ ქსელში დაგეგმილი სარეაბილიტაციო სამუშაოების გამო, დღეს, 22 იანვარს 10:25-დან 18:30 საათამდე ენერგომომარაგება აბონენტებს სოფელ გლდანში, ავჭალაში, გლდანის მასივების ტერიტორიასა და ზაჰესში დროებით შეეზღუდებათ.

როგორც „ინტერპრესნიუსს“ „ენერგო-პრო ჯორჯიადან“ აცნობეს, 11:00-დან 14:00 საათამდე ელექტროენერგია გაითიშება მცხეთის მუნიციპალიტეტის სოფლებში წილკანი, ფრეზეთი, ერედა, წეროვანი.

11:00-დან 17:00 საათამდე დენი შეუწყდება თიანეთის რაიონის სოფლებს მაგრანეთი, ზემო ნაქალაქარი, ორხევი, დორეულები, საჯინიბო, ქვემო ნაქალაქარი, სიონი და მიმდებარე სოფლებს.

სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება.