უფლებადამცველმა გიორგი გაბედავამ, საქართველოში საფრანგეთის ელჩს დიეგო კოლასს მელორ ვაჩნაძის მოთხოვნასთან დაკავშირებით წერილი გადასცა.

გაბედავას განცხადებით, მელორ ვაჩნაძე მის წინააღმდეგ აღძრული საქმის მასალების გასაჯაროებას ითხოვს.

„მელორ ვაჩნაძე არის დაკავებული საფრანგეთში, მკვლელობის მცდელობის მუხლით და ის ითხოვს საქმის მასალების გასაჯაროებას, რადგან მის საქმეში წერია, რომ მსროლელი იყო 1.70 სიმაღლეში. მელორ ვაჩნაძე კი, სიმაღლეში - 2.2 მ-ია. სროლა მაღაზიაში მოხდა და მელორ ვაჩნაძე ითხოვს ვიდეო კადრების გასაჯაროებას. როგორც თვითონ გვითხრა და "ფეისბუქ ლაივის" საშუალებითაც გააკეთა განცხადება, გამომძიებლები ეუბნებიან, რომ დაგვაჭერინე, ითანამშრომლე გამოძიებასთან და შემდეგ გაგათავისუფლებთ. ეს არის უკვე კანონის დარღვევა, რადგან ამ ადამიანს სრული უფლება აქვს თუ იცის რამე არ თქვას, მითუმეტეს, ამბობს რომ არ ვიციო. მაგრამ თუ რამე იცის და არ ამბობს, ამის გამო მკვლელობის მცდელობის მუხლით არ უნდა იყოს დაკავებული", - განაცხადა გიორგი გაბედავამ.

შეგახსენებთ, რომ მელორ ვაჩნაძე საფრანგეთში ადამიანის მკვლელობის მცდელობისთვის არის დაკავებული.