პარლამენტის შენობასთან სამოქალაქო აქტივისტების პროტესტს, იუსტიციის საბჭოს არამოსამართლე წევრი ანა დოლიძე შეუერთდა. მან პარლამენტის წინ დაწყებული სარეაბილიტაციო სამუშაოები გააპროტესტა. დოლიძის განცხადებით, თბილისის მერიამ იეშმაკა, გარკვეული "ფინტი" ჩაუტარა აქციის მონაწილეებს და დაასწრო მათ პარლამენტის წინ ადგილის ოკუპირება.
“აქ პროტესტი ტარდება ბოლო 50 წლის განმავლობაში. შესაბამისად, ეს იქნება ადგილი სადაც ქართველი ხალხი პროტესტს გამოხატავს. ახლა შეიძლება დროებით აქ პროტესტი არ გაგრძელდეს, მაგრამ უამრავი ადგილია თბილისში, მათ შორის კანცელარიასთან, სადაც შეიძლება ხალხმა თავისი ბრაზი გამოხატოს. თუ მაინც და მაინც ხელი ექავებოდა თბილისის მერიას უამრავი ადგილის ნახვა შეეძლო მანამდე გასარემონტებლად",- განაცხადა ანა დოლიძემ.