მთავარ პრობლემად წარმოჩინდა "დახეული გვამებისა" და დაზიანებული ადამიანების ნაცვლად, დახეული ჯინსები, ეს სერიოზული პროგრესია, - ამის შესახებ პირველმა ვიცე-სპიკერმა გია ვოლსკიმ ჟურნალისტებს სახალხო დამცველის ანგარიშის შეფასებისას განუცხადა.
მისივე თქმით, არავინ უარყოფს, რომ პენიტენციურ დაწესებულებაში არ ხდება გადაცდომები, მაგრამ მათზე რეაგირების სერიოზული სისტემაც არსებობს.
"მთავარი არის ის, რომ ცნობილი პერიოდის განმავლობაში დაზიანებულ ადამიანებს, "დახეულ გვამებს" ეხებოდა საუბარი, ახლა გადავიდა საუბარი და მთავარ პრობლემად წარმოჩინდა დახეული ჯინსები. ეს უკვე ვფიქრობ სერიოზული პროგრესია და ამის დაუნახაობა, რისი დემონსტრირებაც მოახდინა სახალხო დამცველმა არ წაადგება ქვეყნის განვითარების იმ გეგმას, რომელიც ყველას ერთად უნდა გაგვაჩნდეს",- განაცხადა ვოლსკიმ.