სოფელ არაგვისპირის საბავშვო ბაღს ახალი ჯგუფი დაემატა

სოფელ არაგვისპირის საბავშვო ბაღს გაფართოების შედეგად ახალი ჯგუფი დაემატა. როგორც „ინტერპრესნიუსს“ დუშეთის მუნიციპალიტეტიდან აცნობეს, სოფელ არაგვისპირის საბავშვო ბაღის სარეაბილიტაციო და გაფართოების სამუშაოები 2019 წლის ბოლოს დასრულდა, რის შედეგადაც სკოლამდელ განათლებას ახალ სასწავლო სემესტრში უკვე 41 აღსაზრდელი მიიღებს.

მათივე ინფორმაციით, ახალრეაბილიტირებული ბაღი მოინახულეს დუშეთის მუნიციპალიტეტის მერმა ზურაბ სეხნიაშვილმა და მცხეთა-მთიანეთის სახელმწიფო რწმუნებულმა შალვა კერესელიძემ. მათ ბაღის აღსაზრდელებს ტკბილეული და სიმბოლური საჩუქრები გადასცეს.

პროექტის ფარგლებში ბაღი გაფართოვდა და შესაბამისი ინვენტარით აღიჭურვა, მოეწყო საძინებელი და სათამაშო ოთახები, დამონტაჟდა ცენტრალური გათბობა და სველი წერტილები. საბავშვო ბაღი მიმდინარე წლიდან 2 სააღმზრდელო ჯგუფზეა გათვლილი.

აღსანიშნავია, რომ საბავშვო ბაღის გაფართოება ადგილობრივ მოსახლეობასთან ღია ფორმატის შეხვედრების დროს ერთ-ერთ პრიორიტეტულ საჭიროებად დასახელდა, ხოლო სარეაბილიტაციო-კეთილმოწყობის სამუშაოები სოფლის მხარდაჭერის სახელმწიფო პროგრამითა და ადგილობრივი ბიუჯეტით დაფინანსდა.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 26.02.2021
ახალი სენსორული POS სავაჭრო ობიექტებისთვის
რას წარმოადგენს Samsung-ის ოფიციალური ჰოლოგრამა?
სითი თაუერი – შენი წარმატების წერტილი ბიზნესში! (R)
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი