გრიპის ვირუსისთვის დამახასიათებელი სიმპტომებით 22 წლის ქალი გარდაიცვალა
გრიპის ვირუსისთვის დამახასიათებელი სიმპტომებით მოთავსებული 22 წლის ქალი დღეს გარდაიცვალა. ის თავდაპირველად ზუგდიდის რეფერალურ ჰოსპიტალში მკურნალობდა, თუმცა, შემდეგ ქუთაისში გადაიყვანეს.
როგორც ზუგდიდის რეფერალურ ჰოსპიტალში „ინტერპრესნიუსს" განუცხადეს, პაციენტს სუნთქვის მწვავე უკმარისობა აღენიშნებოდა.
„ჩაუტარდა შესაბამისი კვლევები და კონსულტაციები. მდგომარეობის სიმძიმის გამო გადავიყვანეთ რეანიმაციულ განყოფილებაში, მართვით სუნთქვაზე. მკურნალობა დაეწო ანტივირუსული და ანტიბაქტერიული მედიკამენტებით. მეორე დღეს პაციენტი ქუთაისში გადავიყვანეთ", - ამბობენ საავადმყოფოში.
