ყვარლის მუნიციპალიტეტში 22 ბაღი ჩავარდნილი ტენდერის გამო, ხორცით ვერ მომარაგდა. მიზეზი,გამარჯვებული კომპანიის დისკვალიფიკაცია გახდა, რადგან, დაკისრებულ ვალდებულებებზე უარი თქვა და ბაღებში ხორცის მიწოდება ვერ უზრუნველყო.
ბაგა- ბაღების გაერთიანების ხელმძღვანელი ზაზა ზაუტაშვილი თქმით,მენიუში ცვლილება მხოლოდ დღეს შევიდა და ბაღის აღსაზრდელებმა ხორცის ნაცვლად ვეგეტარიანული წვნიანი მიიღეს.
მისივე თქმით, გამოვლენილია ახალი კომპანია, რომელიც ბაღებში ხორცპროდუქტების მიწოდებას ორშაბათიდან დაიწყებს.
"გამოცხადებულ ტენდერში რომელმა კომპანიამაც გაიმარჯვა, შესაბამისი დოკუმენტაცია არ ატვირთა, რის გამოც მივიღეთ გადაწყვეტილება და მივეცით დისკვალიფიკაცია. ეს პრობლემა მხოლოდ დღეს იყო,უკვე მოვაგვარეთ, ორშაბათიდან მოგვარდება, რადგან უკვე გვყავს ახალი კომპანია, რომელიც ბაღებს ხორცპროდუქტებით მოამარაგებს"- აღნიშნა ზაზა ზაუტაშვილმა.