ქუთაისში შპს "ამბიკონ სტილსის" თანამშრომლების პროტესტი დღესაც გრძელდება. მეორე დღეა თანამშრომლები აქციას მართავენ. თანამშრომლები ხელფასების გაზრდას და სამუშაო პირობების გაუმჯობესებას მოითხოვენ. მოთხოვნების დაკმაყოფილებამდე კი პროტესტის შეწყვეტას არ გეგმავენ. "რთულ პირობებში ვართ, არ გვაქვს სპეცფორმა. არ მუშაობს ფილტრები, ამას ისიც ემატება, რომ დაბალი ხელფასია და ზეგანაკვეთურ სამუშაოებზე დამატებით თანხას არ გვიხდიან. მოვითხოვთ ხელფასის გაზრდას და პირობების გაუმჯობსებას. ჩვენ არ გვინდა ქარხნის გაჩერება, გვინდა მუშაობა და მოგვეხმარონ", - განაცხადეს გაფიცულებმა.
მეტალურგიული ქარხნის თანამშრომლებს მხარდაჭერას პროფკავშირები უცხადებენ, ისინი აქციას ტყიბულიდან, ჭითურიდან და ზესტაფონიდან უერთდებიან. აქციაზე იმყოფება პარტია "თავისუფალი საქართველოს" იმერეთის ორგანიზაციის ხელმძღვანელი გოგი წულაია. პროფკავშირების წარმომადგენლები და რამდენიმე თანამშრომელი კომპანიის ხელმძღვანელობასთან მოლაპარაკებას დღეს გამართავს.