სტანდარტი, რომელიც საპროკურორო საბჭომ დადო, არის ძალიან მაღალი, - ამის შესახებ საპროკურორო საბჭოს წევრმა, იურიდიულ საკითხთა კომიტეტის თავმჯდომარემ ანრი ოხანაშვილმა განაცხადა.

ანრი ოხანაშვილის ინფორმაციით, საპროკურორო საბჭოს ფარგლებში დღეში ორ კანდიდატს გაესაუბრებიან.

,,ჩვენ ვუზრუნველყოფთ საპროკურორო საბჭოს ფარგლებში კანდიდატებთან ინდივიდუალურ გასაუბრებას, დღეში ორ კანდიდატს გავესაუბრებით და რაც ძალიან მნიშვნელოვანია, დაიდება ამ გასაუბრების აუდიო-ჩანაწერები, ასევე პირდაპირი ეთერის საშუალებით გადაიცემა. იმისთვის, რომ როგორც პროფესიულ წრეებს, ასევე საზოგადოებას ჰქონდეს შესაძლებლობა თვალყური ადევნოს ამ პროცესს. ეს პროცესი როგორც დაიწყო გამჭვირვალედ ისევე გაგრძელდეს და ეს არის საჯაროობის, ღიაობის ძალიან მაღალი სტანდარტი,” - განაცხასა ანრი ოხანაშვილმა.

იხილეთ ვიდეო