არასამთავრობო ორგანიზაციის წევრებმა ბათუმის იუსტიციის სახლის კიბის მოაჯირებზე წითელი ლენტები დაამაგრეს

წითელი ლენტები საბჭოთა სიმბოლოა, რომელშიც თეა წულუკიანი დაბრუნდა,- ეს განცხადება არასამთავრობო ორგანიზაციის "ალტერნატივას" წევრებმა გააკეთეს და პროტესტის ნიშნად, ბათუმში იუსტიციის სახლში, კიბის მოაჯირებზე წითელი ლენტები დაამაგრეს.

ისინი თეა წულუკიანის განცხადებას გამოეხმაურნენ.

„დახეული ჯინსები თავისუფლების სიმბოლოა, წითელი ლენტები კი - საბჭოეთის. ჩვენ დღეს იუსტიციის მინისტრს თეა წულუკიანს და მის ქვემდებარე უწყებას წითელი ლენტები მოვუტანეთ, იმის ნიშნად რომ საბჭოეთში ბრუნდება, რაზეც ჩვენი თაობა „არას“ ამბობს",- განაცხადა აქციის ერთ-ერთმა ლიდერმა ხათუნა ბერიძემ.

ბათუმში იუსტიციის სახლში მოაჯირზე დამაგრებული წითელი ლენტები დაცვის თანამშრომლებმა ჩამოხსნეს.

თენგიზ ფხალაძე  - შიდაპოლიტიკურმა შუღლმა საერთო ეროვნული მეორე პლანზე გადაწია, ერთმანეთთან ძიძგილაობაში გართულები სულ უფრო ვემსგავსებით აისბერგისკენ ჯიუტად მიმავალ ტიტანიკს
ქართული პრესის მიმოხილვა 01.03.2021
კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა