მთიან აჭარაში მოგზაურების რაოდენობა 94%-ით გაიზარდა

მთიანი აჭარის ტურისტულ მარშრუტებზე მოგზაურების რაოდენობა 94%-ით გაიზარდა. გასული წლის განმავლობაში, აჭარის მუნიციპალიტეტებში არსებულ საოჯახო-სასტუმრო სახლებს, ტურისტულ და კვების ობიექტებს 238, 665 ვიზიტორი სტუმრობდა. ამის შესახებ „ინტერპრესნიუსს“აჭარის ავტონომიური რესპუბლიკის მთავრობის ტურიზმისა და კურორტების დეპარტამენტიდან აცნობეს.

მათივე ცნობით, მოგზაურების ყველაზე დიდი რაოდენობა ქობულეთის ტურისტულ მარშრუტებზე დაფიქსირდა, რაც 137%-ით აღემატება 2018 წლის მონაცემებს. ვიზიტების რაოდენობის მხრივ ლიდერობს ქედის მუნიციპალიტეტიც, სადაც გასულ წელს, 57%-ით მეტმა ადამიანმა იმოგზაურა. შემდეგ მოდის ხელვაჩაური +94%-ით, ხულო +61%-ით და შუახევი +30%-ით.

„სასიხარულოა, რომ მთიანაჭარაში მოგზაურების რაოდენობა გაზრდილია, როგორც ტურისტულ მარშრუტებზე, საოჯახო-სასტუმრო სახლებსა და კვების ობიექტებში, ისე მუზეუმებში, ღვინის მარნებსა და ტურისტულ ღირსშესანიშნაობებზე. ეს კი დამატებით მოტივაციას აძლევს სოფლად, ტურისტულ ბიზნესში დასაქმებულ ადამიანებს განავითარონ არსებული სერვისები და ტურისტული ინფრასტრუქტურა. ამ ეტაპზე, ჩვენ გვაქვს 15 მარკირებული ტურისტული მარშრუტი აჭარის მუნიციპალიტეტებში და აქტიურად ვიმუშავებთ, რომ კიდევ უფრო განვავითაროთ და ახალი ტურისტული პროდუქტები შევთავაზოთ ჩვენი რეგიონის სტუმრებს. სწორედ, მთიანი აჭარის ტურისტული პოტენციალის განვითარება მოგვცემს საშუალებას აჭარა გავხადოთ ოთხივე სეზონზე ტურისტებისთვის მიმზიდველი ადგილი,“ - განაცხადა აჭარის ტურიზმის დეპარტამენტის თავმჯდომარე თინათინ ზოიძემ.

მოგზაურების სტატისტიკა, აჭარის ტურიზმის დეპარტამენტის ტურისტული საინფორმაციო ცენტრების მიერ საოჯახო-სასტუმრო სახლებისა და ტურისტული ობიექტების გამოკითხვის შედეგად მომზადდა.

კორნელი კაკაჩია - ხელისუფლებამ უნდა შეძლოს ქვეყნის გადაყვანა დაპირისპირების რელსებიდან კონსტრუქციულობის ფორმატში, თუმცა ამის რესურსს მმართველ გუნდში ვერ ვხედავ
დიმიტრი შველიძე - რუსული ოკუპაციის 100 წლისთავზე მთავარია გვახსოვდეს - ყოფილი მეტროპოლია ფარული ჩარევით, მშვიდად უყურებს საქართველოში პოლიტიკური ბანაკების გაუთავებელ ომს
ქართული პრესის მიმოხილვა 25.02.2021
კომპანია "სილქნეტი" განცხადებას ავრცელებს
როგორ შეუძლიათ ბიზნესებს თანამშრომელთა სამუშაო საათები ავტომატურად აღრიცხონ?
ბაკურიანის მსოფლიო თასის ეტაპებისთვის რეგისტრაცია დასრულებულია
ჰააგის სისხლის სამართლის საერთაშორისო სასამართლოსთან არსებულმა დაზარალებულთა ნდობის ფონდმა საქართველოსთვის დახმარების პროგრამა დაამტკიცა
ლაბორატორია „მეგალაბში“ კორონავირუსის ე.წ. ბრიტანული შტამის დადგენაა შესაძლებელი