მექსიკის პოლიციამ 1 000-ზე მეტ მიგრანტს ქვეყანაში შესვლის საშუალება არ მისცა
1 000-ზე მეტმა მიგრანტმა, რომელთა შორისაც უმეტესობას ჰონდურასელები წარმოადგენენ, გვატემალას საზღვრიდან მექსიკაში შეღწევა სცადა. მექსიკის პოლიციამ მათ საზღვრის გადაკვეთის საშუალება არ მისცა. სამართალდამცავებმა მიგრანტები ძალის გამოყენებით დააბრუნეს გვატემალას საზღვართან. დაპირისპირების დროს რამდენიმე აქტივისტი დაშავდა.
შეგახსენებთ, ცენტრალური ამერიკის ქვეყნებიდან აშშ-ში მოხვედრას ათასობით მიგრანტი ცდილობს, რასაც ისინი მექსიკის გადაკვეთით ახერხებენ. გასულ წელს აშშ-ის პრეზიდენტმა დონალდ ტრამპმა განაცხადა, რომ თუ მექსიკა მიგრანტების ქარავნებს არ შეაჩერებდა, მაშინ აშშ მექსიკას ეკონომიკურ სანქციებს დაუწესებდა.
