ქუთაისის საკრებულოს ფრაქცია "ნაციონალური მოძრაობის" თავმჯდომარემ გიგა შუშანიამ ქალაქში ტრანსპორტის საფასურის მოსალოდნელ გაძვირებაზე ისაუბრა. გიგა შუშანიას განცხადებით, ტრანსპორტის გაძვირება, სოციალურ ფონს მეტად გაართულებს და მას რეალურად, ახალი ტრანსპორტის შემოყვანასთან კავშირი არ აქვს. გიგა შუშანაიას განცხადებით, ტარიფის გაძვირება "ქართული ოცნების" კორდინატების შენახვას და საარჩევნოდ რესურსის მობილიზებას ემსახურება.
„ქუთაისის მერია გეგმავს ტრანსპორტის მგზავრობის საფასური გაზარდოს, ეს რეალურად არ ხდება ახალი ავტობუსების გამო, რადგან ავტობუსები სესხით შეიძინა ქალაქმა და მის ღირებულებას ბიუჯეტი ფარავს. საფასურის გაზრდის მიზანი საარჩევნოდ კოორდინატორების მობილიზება და მათთვის ხელფასის გადახდაა. ხალხის ფულით ცდილობენ, არჩევნების მოგებას. ეს მძიმე ფონს კიდევ უფრო გაართულებს. დააფუძნეს ახალი შპს, რომელშიც მათ ზონდერებს დაასაქმებენ", - განაცხადა გიგა შუშანიამ.
ქუთაისში ახალი 60 ავტობუსი მარტიდან გამოჩნდება.