მამუკა ხაზარაძე - გაზაფხულზე ჩრდილოვან კაბინეტს წარვადგენთ

გაზაფხულზე წარვადგენთ ჩრდილოვან კაბინეტს და ამომრჩეველს რამდენიმე თვით ადრე ეცოდინება პროგრამა და ის სფეროები, რომელსაც პირველი 100 დღის განმავლობაში შევცვლით, - ამის შესახებ პარტიის „ლელო საქართველოსთვის“ დამფუძნებელმა მამუკა ხაზარაძემ ქუთაისის რეგიონული ოფისის გახსნისას განაცხადა. მისივე თქმით, პარტია სერიოზული ტემპით იზრდება და ის რეგიონალურ განვითარებას იწყებს.

„უახლოესი კვირების განმავლობაში ჩვენ ამომრჩეველს შესაძლებლობა ექნება, რომ საქართველოს სხვადასხვა ადგილებიდან ნახოს ჩვენი პრეზენტაციები. ჩვენ ვიწყებთ რეგიონალურ განვითარებას და კონკრეტული პროგრამების გაცნობას მოსახლეობისთვის. გაცნობებთ, რომ პარტია „ლელო საქართველოსთვის“ საკმაოდ სერიოზული ტემპით იზრდება. საკმაოდ დიდია მოლოდინი და გარწმუნებთ, ჩვენ ამ მოლოდინს გავამართლებთ. „ლელო საქართველოსთვის“ არ არის პარტია, რომელიც მხოლოდ ხელისუფლებაში მოსვლისთვის იბრძვის. ჩვენ ვართ ადამიანები, რომლებსაც შეუძლიათ მოკლე დროში შეცვალოს ის მძიმე მდგომარეობა, რომელშიც ჩავცვივდით. გაზაფხულზე წარვადგენთ ჩრდილოვან კაბინეტს და ამომრჩეველს რამდენიმე თვით ადრე ეცოდინება პროგრამა და ის სფეროები, რომელსაც პირველი 100 დღის განმავლობაში შევცვლით,“ - განაცხადა ხაზარაძემ.

ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
ქართული პრესის მიმოხილვა 03.03.2021
კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
იურიდიული პირები პროკრედიტ ბანკში ანგარიშებს დისტანციურად გახსნიან