იმერეთის რეგიონი ტურისტულ გამოფენა-ბაზრობაზე - The New York Times Travel Show - წელს პირველადაა წარმოდგენილი

ჩრდილოეთ ამერიკაში, ყოველწლიურ ტურისტულ გამოფენა-ბაზრობაზე - The New York Times Travel Show - საქართველოს ერთიან სტენდზე წელს პირველად, იმერეთის რეგიონია წარმოდგენილი.

The New York Times Travel Show ყოველწლიური და ყველაზე წარმომადგენლობითი ტურისტული გამოფენა - ბაზრობაა ჩრდილოეთ ამერიკაში, სადაც წარმოდგენილია 500-მდე მონაწილის პავილიონი: ქვეყნები, ქალაქები, ტურისტული სააგენტოები, ავიაკომპანიები, საკრუიზო ფირმები, თემატური პარკები, სამოგზაურო გაჯეტებისა და აქსესუარების მწარმოებელი კომპანიები.

მონაწილეთა მთავარი ამოცანა სტუმრების დაინტერესება და მათი დარწმუნებაა, რომ უამრავ ტურისტულ ადგილს შორის აირჩიონ ერთი და მთავარი.

„ჩვენი რეგიონის მრავალფეროვანი ტურისტული პოტენციალი, მდიდარი ისტორიული და კულტურული მემკვიდრეობა, ბუნება და სათავგადასავლო შესაძლებლობები, სამზარეულო, ღვინო და სტუმართმოყვარეობა, ბალნეოლოგიური კურორტები, ცალკე ქუთაისი, როგორც მსოფლიოს უძველესი და გამორჩეულად ავთენტური ქართული ქალაქი, გვაძლევს საშუალებას, ამერიკელ ტურისტებს ჩვენი უნიკალური და მათთვის ჯერ კიდევ უცნობი კულტურა შევთავაზოთ. იმერეთის პრეზენტაციის მთავარი და ამბიციური გამოწვევაა, დავარწმუნოთ საქართველოთი დაინტერესებული ტურისტები, რომ საქართველოში მოგზაურობა და მისი გაცნობა არ იქნება სრულყოფილი იმერეთისა და ქუთაისის გაცნობის გარეშე", - აცხადებს იმერეთის დანიშნულების ადგილის მართვის ორგანიზაციის ხელმძღვანელი ტატო ლილუაშვილი.

კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
ქართული პრესის მიმოხილვა 01.03.2021
ქართული კონსტიტუციის 100 წლისთავთან დაკავშირებით კავკასიის საერთაშორისო უნივერსიტეტი სამეცნიერო კრებულს ამზადებს
ევროპის გუნდი: ლიბერთი ბანკისთვის უზრუნველყოფილი დამატებითი დახმარებით, COVID-19-ის კრიზისის დასაძლევად  ევროპის საინვესტიციო ბანკის მიერ მიკრო, მცირე და საშუალო საწარმოების მხარდაჭერა ახალ ეტაპზე გადადის
"მაგნიტის" ყოველდღიური 20%-იანი აქცია უფრო მრავალფეროვანი ხდება
სამომხმარებლო სესხი 3-თვიანი სრული საშეღავათო პერიოდით - ტერაბანკის ახალი აქცია
ბაკურიანში საერთაშორისო სათხილამურო ფედერაციის ეგიდით მსოფლიო თასის ეტაპი სკი კროსში დასრულდა