„ქართული ოცნება“ მაინც ვერ მოიპოვებს ძალაუფლებას, ეს გამორიცხულია ნებისმიერი სისტემის პირობებში, - ამის შესახებ „ევროპული საქართველოს“ ერთ-ერთმა ლიდერმა გიგა ბოკერიამ ოპოზიციასა და ხელისუფლებას შორის მოლაპარაკებების მე-5 რაუნდთან დაკავშირებით განაცხადა.
გიგა ბოკერიას ინფორმაციით, შეხვედრების მორიგი რაუნდის თარიღი ჯერ არ არის ჩანიშნული, მაგრამ რამდენიმე წინადადება, თუ როგორ შეიძლება წარმომადგენლობითობა იყოს პროპორციული უკვე წარმოდგენილი აქვთ.
„შეხვედრების მე-5 რაუნდის თარიღი ჯერ არ არის ჩანიშნული, მაგრამ იმედი მაქვს, რომ შედგება. ჩვენი, დემოკრატიული ოპოზიციის მიზანია ყველა ინსტრუმენტი გამოვიყენოთ, რათა გონს მოეგოს ივანიშვილი, თუ ის არ მოეგება გონს ყველანაირი სცენარისთვის მზად ვართ. ჩვენ წინადადებები დასმული გვაქვს, ველოდებით ოდირი-ს დასკვნას, მაგრამ უკვე წარმოვადგინეთ რამდენიმე წინადადება, თუ როგორ შეიძლება მივაღწიოთ იმ შედეგს, რომ წარმომადგენლობითობა იყოს პროპორციული და შეუძლებელი იყოს მხარდაჭერის მესამედით უმრავლესობის მოპოვება ნებისმიერი ძალისთვის, ეს წინადადებები უკვე დასმულია და ისინი უნდა მოეგონ გონს“, - განაცხადა გიგა ბოკერიამ.