პალესტინა, აშშ-ის პრეზიდენტის, დონალდ ტრამპის მიერ შუა აღმოსავლეთის სამშვიდო გეგმის გამოცხადების პარალელურად, „მრისხანების დღეს“ გამართავს. როგორც ცნობილია, სამშვიდობო გეგმა, რომელსაც მედია „საუკუნის შეთანხმებად“ მოიხსენიებს, ქვეყნის პრემიერ ბენიამინ ნეთანიაჰუსა და მის ოპონენტ ბენი განცთან შეხვედრის შემდეგ გასაჯაროვდება.
აშშ-ში გამგზავრებამდე, ბენიამინ ნეთანიაჰუმ მედიასთან განაცხადა, რომ ეს „ისტორიული მოვლენაა“ და ისრაელს „აშშ-ზე დიდი მეგობარი არასდროს ჰყოლია“.
შეგახსენებთ, რამდენიმე დღის წინ დონალდ ტრამპმა განაცხადა, რომ „დიდებული სამშვიდობო გეგმა“ აქვს, რომელსაც სამშაბათს გაასაჯაროვებს. მისი თქმით, შესაძლოა „ თავდაპირველად პალესტინის რეაქცია ნეგატიური იყოს, თუმცა სინამდვილეში, გეგმა მათთვის ძალიან პოზიტიური იქნება“.
თემაზე კომენტარი პალესტინის პრეზიდენტის პრესსპიკერმა, ნაბილ აბუ რუდეინაჰმეც გააკეთა და განაცხადა, რომ პალესტინა „აფრთხილებს ისრაელსა და აშშ-ს ადმინისტრაციას, არ გადაკვეთონ წითელი ხაზები“.