დავით ნარმანიას ინფორმაციით, მიმდინარე წელს სემეკი ელექტრომობილების დამუხტვის ახალ წესს შეიმუშავებს

ენერგეტიკისა და წყალმომარაგების მარეგულირებელი კომისიის თავმჯდომარის, დავით ნარმანიას ინფორმაციით, მიმდინარე წელს სემეკი ელექტრომობილების დამუხტვის ახალ წესს შეიმუშავებს. ნარმანიას თქმით, სემეკი ევროპულ გამოცდილებას სწავლობს და ახალი რეგულაციები ადგილობრივ საჭიროებებზე მორგებით შემუშავდება.

„ენერგეტიკისა და წყალმომარაგების შესახებ პაელამენტის მიერ ახლახან მიღებული კანონიდან გამომდინარე, ჩვენ მოგვენიჭა უფლებამოსილება, რომ დავადგინოთ სპეციალური წესი ელექტრომობილების დამტენებთან და მის ექსპლუატაციასთან დაკავშირებულ საკითხებზე. ევროპულ გამოცდილებას ვსწავლობთ და ადგილობრივ საჭიროებებზე მორგებით, ამ წესს მიმდინარე წლის განმავლობაში მივიღებთ. ეს იქნება ახალი რეგულაცია, რომლის მიხედვითაც ელექტროენერგიის ქსელზე დაშვებასთან დაკავშირებული საკითხები იქნება რეგულირებული. მიერთების სპეციალური წესები დადგინდება ევროპული გამოცდილებიდან გამომდინარე,"- განაცხადა დავით ნარმანიამ.

რა კრიტერიუმებს უნდა აკმაყოფილებდეს გერმანიაში სეზონურ სამუშაოზე წასვლის მსურველი და რა იქნება საქართველოს მოქალაქეების ანაზღაურება?
ქართული პრესის მიმოხილვა 08.03.2021
ალექსანდრე თვალჭრელიძე - ქართულმა პოლიტიკურმა სისტემამ მდგრადობა დაკარგა და გარე ჩარევის გარეშე მისი გამოსწორება შეუძლებელია
სილქნეტი განცხადებას ავრცელებს (R)