აშშ გმობს სირიაში სხვადასხვა მხარის მიერ განხორციელებულ „სასტიკ ქმედებებს“ რომლებიც ქვეყანაში მშვიდობის დამყარების პროცესს აფერხებენ.
„რუსეთის, ირანის, „ჰეზბოლას“ და ასადის რეჟიმის სასტიკი ქმედებები ხელს უშლის ცეცხლის შეწყვეტას ჩრდილოეთ სირიაში,” - წერს სახელმწიფო მდივანი მაიკ პომპეო Twitter– ზე. მისივე თქმით, მხარეებმა უნდა შეწყვიტონ „ბარბაროსული ქმედებები“ რეგიონში.
როგორც ცნობილია, სირიის სამთავრობო ძალები, რუსული ავიაციის დახმარებით ქვეყანაში მეამბოხეთა უკანასკნელი გამაგრების ადგილს, იდლიბს უტევენ. ადამიანის უფლებების ობსერვატორიის ცნობით, იდლიბის სოფლების დიდი ნაწილი უკვე სამთავრობო ძალების ხელშია.