ლონდა თოლორაია - თითოეულ ჩვენგანს აკისრია უდიდესი პასუხისმგებლობა სხვისი პერსონალური მონაცემების დაცვისა და პირადი ცხოვრების წინაშე

სახელმწიფო ინსპექტორის სამსახურმა პერსონალურ მონაცემთა დაცვის საერთაშორისო დღე აღნიშნა. ამის შესახებ „ინტერპრესნიუსს“ სახელმწიფო ინსპექტორის სამსახურიდან აცნობეს.

მათი ინფორმაციით, სახელმწიფო ინსპექტორმა ლონდა თოლორაიამ ღონისძიებაზე აღნიშნა, რომ საქართველოში პერსონალურ მონაცემთა დაცვის სფეროში არსებობს გამოწვევები.

„საჭიროა ცნობიერების ზრდა საზოგადოებაში და მოქალაქეთა ჩართულობა ცნობიერების ამაღლების კამპანიებში, საჭიროა ბევრად მეტი პროფესიონალი საჯარო და კერძო სტრუქტურებში, რომლებიც პატივს სცემენ სხვის პერსონალურ მონაცემებს და აცნობიერებენ პირადი ცხოვრების დაცულობის მნიშვნელობას, საჭიროა პრევენციაზე ორიენტირებული მიდგომა და უფრო მეტი მექანიზმი, რათა თავიდან იქნეს აცილებული პერსონალური მონაცემებისა და სხვისი პირადი ცხოვრების ხელშეუხებლობის დარღვევა”, - განაცხადა ლონდა თოლორაიამ.

ინსპექტორმა ასევე აღნიშნა, რომ 2020 იქნება წელი, რომელიც დატვირთული იქნება ცნობიერების ამაღლების კამპანიებით.

„გააქტიურდება კომუნიკაცია საჯარო უწყებებთან და კერძო სექტორთან, რომლის მიზანი იქნება ახალი კანონის დანერგვის ხელშეწყობა და პრევენციაზე ორიენტირებული პოლიტიკის გაძლიერება. გააქტიურდება კოორდინაცია სახელმწიფო უწყებებისა და კერძო ორგანიზაციების შიდა და გარე საზედამხედველო ორგანოებთან, საერთაშორისო პარტნიორებთან. სამსახური აქტიურად იმუშავებს იმისთვის, რომ სახელმწიფო ინსპექტორის სამსახურის საქმიანობა იყოს კიდევ უფრო ეფექტიანი”, - აღნიშნა სახელმწიფო ინსპექტორმა.

ზურაბ ბატიაშვილი - ხელისუფლებას აქვს მარტივი არჩევანი - ან დასავლეთთან ერთად ან დასავლეთის წინააღმდეგ, ამ არჩევანში თუ დასავლეთის და საკუთარი ხალხის წინააღმდეგ წავლენ, ხელისუფლებას მალევე დაკარგავენ
ქართული პრესის მიმოხილვა 04.03.2021
კახა გოგოლაშვილი - ევროკავშირის მედიაცია გახდა ინსტრუმენტი, რომელიც არ არის ერთჯერადი, სანამ კრიზისი არ მოგვარდება, ევროკავშირი ამ პროცესში ჩართული იქნება
შეფუთვის ვინტაჟური სტილი და ევროპული სტანდარტების ქარხანა - „ვაკე“ 2021 წელს სიახლეებით იწყებს
იურიდიული პირები პროკრედიტ ბანკში ანგარიშებს დისტანციურად გახსნიან